राजगड : मध्यप्रदेशात (Madhya Pradesh) एक दुःखदायक घटना घडली आहे. पाच वर्षांची एक चिमुरडी खेळत असताना बोअरवेलमध्ये (Borewell) पडल्याने तिला वाचवण्यासाठी प्रयत्नांची पराकाष्ठा करण्यात आली. अखेर आज पहाटे सुटकेनंतर तिला रुग्णालयात दाखल करण्यात आले. मात्र, उपचारादरम्यानच चिमुरडीचा मृत्यू झाला आहे. या घटनेमुळे तिच्या कुटुंबियांची अवस्था फार बिकट झाली आहे.
मध्य प्रदेशातील राजगड जिल्ह्यात ही घटना घडली. माही असं या पाचवर्षीय चिमुकलीचं नाव आहे. मिळालेल्या माहितीनुसार, नरसिंहगडमधील पिपलिया रसोडा गावात काल संध्याकाळी ५ वाजण्याच्या सुमारास माही आजोबांसोबत शेतात गेली होती. तिथे लहान मुलांसोबत खेळत असताना ती अचानक जुन्या बोअरवेलमध्ये पडली. तेथील स्थानिकांनी ताबडतोब प्रशासकीय अधिकाऱ्यांना याची माहिती दिली.
राजगडचे एसडीआरएफ (SDRF) पथक घटनास्थळी पोहोचले आणि जेसीबी आणि इतर उपकरणे मागवून बचावकार्य सुरू करण्यात आले. या घटनेवर स्वत: मुख्यमंत्री शिवराज सिंह यांनी सतत लक्ष ठेवले. मुलीला ऑक्सिजन पुरवण्याबरोबरच कॅमेरे लावून तिच्या हालचालींवरही लक्ष ठेवले जात होते. NDRF आणि SDRF टीमच्या पथकाला सुमारे ७ ते ८ तासांच्या रेस्क्यू ऑपरेशननंतर आज पहाटे ३ वाजता माहीला बाहेर काढण्यात यश आले.
माहीला श्वास घेण्यात अडचणी येत होत्या. तिला भोपाळच्या रुग्णालयात उपचारासाठी पाठवण्यात आले. मात्र तिथे माहीचा मृत्यू झाला. जिल्हा रुग्णालयाचे सीएमएचओ डॉ. किरण वाडिया यांनी सांगितले की, आम्ही मुलीला राजगड येथून थेट रुग्णालयात आणले, मात्र तिचा जीव वाचू शकला नाही. तब्बल नऊ तास माही सुमारे तीस फूट खोल बोअरवेलच्या खड्ड्यात जीवन-मरणाची झुंज देत होती, पण अखेर तिचा मृत्यू झाल्याने सर्वत्र हळहळ व्यक्त करण्यात येत आहे.
मुंबई: टी-२० वर्ल्डकप २०२४ जिंकणाऱ्या टीम इंडियाचे मुंबईत जोरदार स्वागत झाले. लाखो मुंबईकरांनी टीम इंडियाच्या…
मुंबई: रोहित शर्माच्या नेतृत्वातील भारतीय संघाने टी-२० वर्ल्डकप जिंकत मोठा इतिहास रचला आहे. या टीम…
मुंबई: दही साखर हातात ठेवणे ही हिंदू धर्मातील महत्त्वाची परंपरा आहे. दही-साखर खाणे शुभ मानले…
विधानसभा अध्यक्ष ॲड. राहुल नार्वेकर यांच्या अथक प्रयत्नांना यश मुंबई : गोकुळदास तेजपाल रुग्णालय, मुंबई…
मुंबई: मुंबईच्या मरीन ड्राईव्हवर आलेल्या लाखो चाहत्यांमध्ये सहकार्य आणि सहृदयतेचे अद्भुत दृश्य पाहायला मिळाले. वर्ल्डकप…
मुंबई: टीम इंडिया(team india) विक्ट्री परेडसाठी मुंबईत पोहोचले आहेत. भारतीय संघाचे मुंबई एअरपोर्टवर दिमाखात स्वागत…