मुंबई : दिवाळीनंतर तेल कंपन्यांनी आज, व्यावसायिक एलपीजी गॅस सिलिंडरच्या किंमती कमी केल्या आहेत.
तेल कंपन्यांनी १९ किलोच्या व्यावसायिक एलपीजी सिलेंडरची किंमत ५७.५० रुपयांनी कमी केली आहे. नवे दर आजपासून लागू झाले आहेत.
दिवाळीपूर्वी १९ किलोच्या व्यावसायिक सिलिंडरच्या दरात १०१.५० रुपयांची वाढ करण्यात आली होती. मात्र, घरगुती एलपीजी सिलिंडरच्या किंमतीत कोणताही बदल झालेला नाही.
नवीन बदलानंतर, १९ किलोच्या सिलेंडरची किंमत दिल्लीत १७५५.५० रुपये, कोलकात्यात १८८५.५० रुपये, मुंबईत १७२८ रुपये आणि चेन्नईमध्ये १९४२ रुपये प्रति सिलेंडर आहे.
घरगुती सिलिंडरच्या किंमतीत कोणताही बदल झालेला नाही. १४.२ किलोच्या सिलेंडरची किंमत दिल्लीत ९०३ रुपये, कोलकात्यात ९२९ रुपये, मुंबईत ९०२.५० रुपये आणि चेन्नईमध्ये ९१८.५० रुपये प्रति सिलेंडर आहे.