Private travels accident : अपघात टाळण्यासाठी खाजगी ट्रॅव्हल्सना एमएसआरटीसीच्या 'या' विशेष सूचना

दिवाळीत प्रवाशांची लूट करणार्‍यांनाही देणार दणका


मुंबई : गेल्या काही दिवसांत खाजगी ट्रॅव्हल्सच्या (Private Travels) अपघाताच्या घटनांचे (Accident news) प्रमाण वाढले आहे. आरामदायी आणि सुखकर प्रवास व्हावा म्हणून प्रवासी अधिकचे पैसे खर्च करुन खाजगी ट्रॅव्हल्स मधून जाणे पसंत करतात. पण याच गाड्यांच्या अपघाताचे प्रमाण वाढल्याने प्रवाशांच्या सुरक्षिततेचा प्रश्न निर्माण झाला आहे. याच पार्श्वभूमीवर महाराष्ट्र राज्य परिवहन विभागाने (Maharashtra State Road Transport Corporation) काही महत्त्वाचे निर्णय घेतले आहेत. यात आपत्कालीन परिस्थितीत खाजगी बसमध्ये सूचना देणे बंधनकारक करण्यात येणार आहे.


दिवाळीच्या काळात खाजगी ट्रॅव्हल्सकडून आकारण्यात येणार्‍या भरमसाठ तिकीट किंमतीला आळा घालण्यासाठी देखील परिवहन विभागाकडून एक निर्णय घेण्यात आला आहे. एसटीच्या भाड्यापेक्षा कमाल दीडपट भाडं खाजगी ट्रॅव्हल्स कंपन्यांना घेता येईल, त्यापेक्षा जास्त भाडे आकारल्यास कठोर कारवाई करण्यात येणार आहे. यामुळे सणांच्या पार्श्वभूमीवर प्रवाशांची लूट करण्याचा खाजगी ट्रॅव्हल्सचा डाव परिवहन विभागाने हाणून पाडला आहे. ही भाडे निश्चिती मोटार ॲक्ट नुसार करण्यात आली असून ती एसटी भाड्यापेक्षा ५० टक्के अधिक आहे. म्हणजेच एसटीचे भाडे २०० असेल तर खाजगी बस चालकांना यासाठी ३०० रुपये आकारता येतील.


नागपूरचे (Nagpur) सहाय्यक प्रादेशिक परिवहन अधिकारी हर्षल डाके यांनी दिलेल्या माहितीनुसार, खाजगी ट्रॅव्हल्स बसमध्ये प्रवाशांची सुरक्षितता लक्षात घेता परिवहन विभागाने काही निर्णय घेतले आहेत. यामध्ये बसच्या दर्शनी भागात बस चालकाचा फोटो, मोबाईल क्रमांक, बस कंपनीचा दूरध्वनी क्रमांक, बसच्या फिटनेस संदर्भातील माहिती स्टिकर स्वरूपात लावणे बंधनकारक राहणार आहे. बसचा आपत्कालीन दरवाजा सुस्थितीत असणे आवश्यक आहे. तसेच विमान प्रवासात ज्या पद्धतीने एअर होस्टेस (Air Hostess) आपत्कालीन परिस्थितीत (Emergency cases) प्रवाशांनी काय करावे याची सूचना प्रवाशांना देते, तशाच पद्धतीच्या सूचना बस प्रवास सुरू होण्याआधी प्रवाशांना देणे बंधनकारक करण्यात आले आहे.

Comments
Add Comment

'आयुष'च्या ४२८५ रिक्त जागा, होमिओपथी, आयुर्वेद, युनानी अभ्यासक्रमांचे प्रवेश

महाराष्ट्र : आरोग्यविज्ञान विद्यापीठाशी संलग्न असलेल्या सरकारी आणि खासगी महाविद्यालयांकडून राबवण्यात

शिक्षक होण्याची सुवर्णसंधी, CTETची अधिसूचना जाहीर

मुंबई : केंद्रीय शिक्षक पात्रता परीक्षेचे वेळापत्रक जाहीर झाले आहे. या वेळापत्रकानुसार केंद्रीय शिक्षक पात्रता

उत्तम आरोग्यासाठी महापालिका आयुक्तांनी केल्या अशा सूचना

मुंबई (खास प्रतिनिधी) : मुंबईकरांनी आपल्या उत्तम आरोग्यासाठी उद्यानात आणि व्यायामशाळेत श्रम घेणे गरजेचे आहे.

पक्षप्रतिमा जपण्यासाठी अजित पवार संघापासून चार हात दूरच!

मुंबई  : तळेगाव दाभाडे नगर परिषदेच्या नवीन इमारतीच्या उद्घाटनाचा कार्यक्रम सोमवारी पार पडला. हा कार्यक्रम

पश्चिम रेल्वेवर रात्रकालीन ब्लॉक

मुंबई : पश्चिम रेल्वेवर दि. २५ ते २६ ऑक्टोबरच्या मध्यरात्री वसई रोड आणि भाईंदर स्थानकांदरम्यान अप जलद मार्गावर

Mumbai Megablock : मेगा 'ब्लॉक डे' मुंबईकरांना सतावणार! 'लाईफलाईन' लोकलची दुरुस्ती; कोणत्या मार्गांवर सेवा पूर्णपणे बंद राहणार?

मुंबई : मुंबईची लाईफलाइन (Mumbai Lifeline) असलेली उपनगरीय रेल्वे (Suburban Railway) लाखो प्रवाशांना घेऊन अविरत धावत असते. या लोकलच्या