नोएडा : बिग बॉस ओटीटी २चा (Bigg Boss OTT 2) विजेता एल्विश यादववर (Elvish Yadav) ड्रग्ज पार्ट्यांमध्ये (Drugs parties) विषारी सापांचं विष पुरवल्याचा आरोप ठेवण्यात आला आहे. क्लब आणि पार्ट्यांमध्ये स्नेक बाईट (Snake Bite) देण्यासह अनेक गंभीर आरोप करत एल्विशविरोधात नोएडामध्ये (Noida) एफआयआर (FIR) दाखल करण्यात आला आहे. एल्विशसह पाच आरोपींवर गुन्हा दाखल करुन त्यांना अटक करण्यात आली. मात्र, एल्विश पोलिसांच्या हाती लागला नाही.
मनेका गांधी यांच्या पीपल फॉर अॅनिमल वेलफेयर या संस्थेने स्टिंग ऑपरेशन करत नोएडा पोलिसांकडे तक्रार केली व एल्विशवर गंभीर आरोप केले होते. ऑफिसर पदावर काम करत असलेल्या गौरव गुप्ता यांनी एफआयआर दाखल केली होती. यानुसार पोलिसांनी नोएडाच्या सेक्टर ४९ मध्ये एका पार्टीवर छापा टाकून कोब्रा सापाबरोबर सापाचे विषही जप्त केले. या प्रकरणातील मुख्य आरोपी एल्विशच असल्याचे एफआयआरमध्ये नमूद करण्यात आले होते.
दरम्यान, या प्रकरणी एल्विशने सोशल मीडियावर आपली पहिली प्रतिक्रिया दिली आहे. त्याचा हा व्हिडीओ सध्या व्हायरल होत आहे. आपला या प्रकरणाशी काहीही संबंध नसल्याचं तो या व्हिडीओमध्ये म्हणाला आहे. त्याने म्हटले आहे, मी आज सकाळी उठल्यावर पाहिलं की, माझ्याबाबत कशा प्रकारच्या बातम्या पसरत आहेत आणि काय आरोप होत आहेत की एल्विशने नशिल्या पदार्थांची विक्री केली आहे, एल्विशला अटक झाली आहे वगैरे वगैरे. पण माझ्यावर करण्यात आलेले सगळे आरोप निराधार आहेत, खोटे आहेत. यात एक टक्काही सत्यता नाही, असं तो म्हणाला.
पुढे त्याने म्हटले आहे की, मी यूपी पोलिसांना पूर्ण सहकार्य करण्यास तयार आहे. तसंच मी पोलीस, प्रशासन, माननीय मुख्यमंत्री योगी आदित्यनाथजी या सगळ्यांना एक विनंती करु इच्छितो की या प्रकरणात माझा एक टक्का जरी सहभाग आढळला तर मी सगळी जबाबदारी घ्यायला तयार आहे आणि मी मीडियाला विनंती करतो की, त्यांना जोपर्यत ठोस पुरावा मिळत नाही तोपर्यत माझी बदनामी करु नये. या आरोपांशी माझं काही देणंघेणं नाही, असं एल्विशने या व्हिडीओत स्पष्ट केलं आहे. त्यामुळे या प्रकरणाला आता काय नवं वळण मिळणार हे पाहावं लागणार आहे.
नवी दिल्ली : अमेरिकेचे उपाध्यक्ष जेडी व्हान्स सोमवार २१ एप्रिल रोजी भारताच्या चार दिवसांच्या दौऱ्यावर…
मुंबई(ज्ञानेश सावंत): सध्या गुजरात टायटन्स आयपीएलच्या गुण तक्त्यात अव्वल स्थानावर आहे. गुजरातने या अगोदरच्या सामन्यात…
रत्नागिरी : विश्व मराठी साहित्य संमेलनात दिल्या जाणाऱ्या साहित्यभूषण पुरस्काराची रक्कम या वर्षीपासून १० लाख…
नागपूर: विविध कार्यक्रमांमध्ये तसेच येथील सव्हिल लाईन्स परिसरातील मुख्यमंत्री सचिवालय-हैदराबाद हाऊसमध्ये प्राप्त होणारे जनतेचे अर्ज…
बंद पडलेली टॉय ट्रेन पुन्हा सुरु; मंत्री पीयूष गोयल यांची घोषणा मुंबई (प्रतिनिधी) : संजय…
नागपूर: मुख्यमंत्री देवेंद्र फडणवीस यांनी आज मुख्यमंत्री सचिवालयात आयोजित जनता दरबारात जनतेच्या समस्या जाणून घेतल्या…