Matthew Perry died : 'हाय आय ॲम शँडलर'... फ्रेंड्समधल्या शँडलरचं निधन; जगभरातील चाहत्यांना मोठा धक्का

  183

वयाच्या अवघ्या ५४ व्या वर्षी घेतला जगाचा निरोप


लॉस एंजेलिस : 'हाय आय ॲम शँडलर... आय मेक जोक्स व्हेन आय ॲम अनकम्फर्टेबल', असं म्हणत फ्रेंड्स (Friends Series) या प्रसिद्ध सिरिजमधून प्रेक्षकांना खळखळून हसवणार्‍या शँडलर बिंग (Chandler Bing) म्हणजेच अमेरिकन-कॅनडीयन अभिनेता (American-Canadian actor and comedian) मॅथ्यू पेरी याचं निधन (Matthew Perry died) झालं आहे. काल शनिवारी सायंकाळी चारच्या सुमारास अमेरिकेतील लॉस एंजिलिसमधील (Los Angeles) त्याच्या राहत्या घरी गरम बाथटबमध्ये त्याचा मृतदेह आढळून आला. त्याच्या निधनाने हॉलिवूडमध्ये (Hollywood) शोककळा पसरली आहे. वयाच्या अवघ्या ५४व्या वर्षी मॅथ्यूने अशा प्रकारे जगाचा निरोप घेणं चाहत्यांच्या मनाला चटका लावून जाणारं आहे.


लॉस एंजेलिस टाईम्सने (Los Angeles Times) दिलेल्या वृत्तानुसार, मॅथ्यूचा त्याच्या घरातील गरम टबमध्ये बुडल्यामुळे मृत्यू झाला. माहिती मिळताच त्याच्या घरी संध्याकाळी ४ वाजता अधिकारी पोहोचले, जिथे तो प्रतिसाद देत नसल्याचे आढळून आले. परंतु त्याच्या आजूबाजूला कोणतेही ड्रग्ज किंवा अल्कोहोल आढळून आलं नाही. तपास सुरू असून, मृत्यूचं कारण स्पष्ट झालेलं नाही.


यशाच्या शिखरावर असताना मॅथ्यू पेरीला ड्रग्ज आणि अल्कोहोलच्या अतिसेवनामुळे अनेक समस्यांना तोंड द्यावं लागलं होतं. त्याने अनेक वर्षे अल्कोहोलच्या व्यसनाशी लढा दिला आणि अनेक प्रसंगी पुनर्वसन क्लिनिकमध्ये हजेरी लावली. पेरीला त्याच्या ड्रग्जच्या सेवनामुळे २०१८ मध्ये कोलन फुटणे यासह आरोग्याच्या समस्या आल्या. यामुळे त्याला अनेक शस्त्रक्रियांना तोंड द्यावं लागलं आणि नंतर काही महिने कोलोस्टोमी बॅग वापरणंही आवश्यक झालं होतं.


गेल्या वर्षी प्रकाशित झालेल्या त्याच्या "फ्रेंड्स, लव्हर्स अँड द बिग टेरिबल थिंग" (Friends, Lovers and the big terrible thing) या संस्मरणात, पेरीने डझनभर वेळा डिटॉक्समधून जात असल्याचे आणि शांत होण्यासाठी वारंवार प्रयत्न करण्यासाठी लाखो डॉलर्स खर्च केल्याबद्दल वर्णन केले आहे. पेरीने हे पुस्तक सर्व पीडितांना समर्पित केले आणि प्रस्तावनामध्ये लिहिले होते की, "मी मेलं पाहिजे".


'फ्रेंड्स' या १९९४ मध्ये सुरु झालेल्या सिरीजचे दहाही सीझन्स प्रचंड गाजले. त्यातील मॅथ्यूच्या प्रेमळ आणि व्यंग्यात्मक शँडलर या पात्राला विशेष लोकप्रियता मिळाली. त्याच्या जाण्याने भारतातीलही अनेक मोठमोठ्या अभिनेत्यांनी आपल्या सोशल मीडिया अकाऊंट्सवरुन मॅथ्यूला श्रद्धांजली वाहिली आहे. जगभरातील चाहत्यांकडून स्टोरीज, पोस्टस आणि स्टेटसच्या माध्यमातून मॅथ्यूच्या आठवणींना उजाळा दिला जात आहे.

Comments
Add Comment

रशियाचा युक्रेनवर सर्वात मोठा हवाई हल्ला, एफ-१६ लढाऊ विमानाचा पायलट ठार

क्वीव: युक्रेनच्या हवाई हद्दीवर रशियाचा हा आतापर्यंतचा सर्वात मोठा हवाई हल्ला आहे. युक्रेनचे अध्यक्ष

पाकिस्तान : आत्मघातकी स्फोटात १६ सैनिकांचा मृत्यू

उत्तर वझिरिस्तान : पाकिस्तानमधील उत्तर वझिरिस्तानमध्ये स्फोटकांनी भरलेल्या वाहनाने सैनिकांच्या वाहनाला धडक

शुभांशू शुक्ला आंतरराष्ट्रीय अंतराळ स्थानकात कोणते प्रयोग करणार ?

आंतरराष्ट्रीय अंतराळ स्थानक : शुभांशू शुक्ला हे अंतराळात गेलेले दुसरे आणि आंतरराष्ट्रीय अंतराळ स्थानकावर

अमेरिकेच्या व्हिसासाठी अर्ज करणाऱ्यांच्या सोशल मीडियातील अस्तित्वाची चौकशी होणार

वॉशिंग्टन डी. सी. : अमेरिकेत जाण्याचे स्वप्न बघणाऱ्यांसाठी महत्त्वाची बातमी. आता अमेरिकेच्या व्हिसासाठी अर्ज

३ जणांना फाशी, ७०० जणांना अटक... इराणमध्ये मोसादच्या 'अंडरकव्हर एजंट्स'विरुद्ध जलद कारवाई

इराण इस्रायलच्या अंडरकव्हर एजंट्सविरुद्ध जलद कारवाई तेहरान: इराण आणि इस्रायल यांच्यात शस्त्रसंधी (Iran Israel Ceasefire) 

इराण-इस्रायल युद्ध : ट्रम्प यांच्या युद्धविरामाच्या घोषणेमुळे संभ्रम

पश्चिम आशियातील तणाव: ट्रम्प यांचा दावा, इराणने खोडला तेहरान : इराण-इस्रायल युद्धानं नवं वळण घेतलंय. इराणने