बंगळुरू: श्रीलंकाने आयसीसी क्रिकेट वर्ल्डकप २०२३मध्ये(cricket world cup 2023) आपला दुसरा विजय मिळवला आहे. २६ ऑक्टोबरला बंगळुरूच्या एम चिन्नास्वामी स्टेडियममध्ये खेळवण्यात आलेल्या सामन्यात श्रीलंकेने इंग्लंडला आठ विकेटनी हरवले. सामन्यात श्रीलंकेला विजयासाठी इंग्लंडला १५७ धावांचे आव्हान दिले होते. हे आव्हान श्रीलंकेने १४६ बॉल बाकी राखत पूर्ण केले.
श्रीलंकेच्या विजयात पथुम निसंका आणि सदीरा समरविक्रमा यांनी महत्त्वाची भूमिका बजावली. निसंकाने ८३ बॉलमध्ये ७७ धावा केल्या. यात त्याने सात चौकार आणि दोन षटकार लगावले. तर समरविक्रमाने सात चौकार आणि एका षटकाराच्या मदतीने नाबाद ६५ धावा केल्या. समरविक्रमा आणि निसंका यांनी तिसऱ्या विकेटसाठी १३७ धावांची भागीदारी केली.
श्रीलंकेने या विश्वचषकात आतापर्यंत ५ पैकी २ सामने जिंकले आहेत. श्रीलंकेचा संघ पाचव्या स्थानावर आहे. तर इंग्लंडच्या संघाचा गेल्या पाच सामन्यांपैकी चौथा पराभव आहे. इंग्लंडने आपले पुढील चारही सामने जरी जिंकले तरी त्यांचे अंक १० होती. यामुळे ते आता सेमीफायनलच्या शर्यतीत बाहेर गेले आहे. इंग्लंड सध्या नवव्या स्थानावर आहे.
टॉस जिंकून पहिल्यांदा फलंदाजीस उतरलेल्या इंग्लंड संघाची सुरूवात चांगली राहिली. डेविड मलान आणि जॉनी बेअरस्ट्रॉ यांनी मिळून ६.३ षटकात ४५ धावांची भागीदारी केली. एंजलो मॅथ्यूजने मलानला विकेटकीपर कुसल मेंडिसच्या हाती बाद करत या पार्टनरशिपला खिंडार पाडले. इंग्लंडला दुसरा झटका ज्यो रूटच्या रूपात बसला. यानंतर सलामीवीर जॉनी बेअरस्ट्रॉची विकेट पडली. बेअरस्ट्रोने ३१ बॉलमध्ये ३० धावा केल्या. जोस बटलरला केवळ ८ धावांची खेळी करता आली. इंग्लंडचे विकेट सातत्याने पडतच होते. अखेर त्यांचा संपूर्ण संघ ३३.२ षटकांत १५६ धावांवर आटोपला.
मुंबई: "भिऊ नको मी तुज्या पाठीशी आहे" संकट काळात स्वामी समर्थांच हे वाक्य जगण्यासाठी नवी…
शिबानी जोशी जगभरात आज मराठी माणूस पोहोचला आहे. अमेरिका, ऑस्ट्रेलिया यासारख्या देशात शिक्षणाच्या निमित्ताने, नोकरीच्या…
वर्षा फडके - आंधळे जागतिक ऑडिओ-व्हिज्युअल आणि मनोरंजन क्षेत्रातील महत्त्वपूर्ण पर्व ठरणारी ‘वर्ल्ड ऑडिओ व्हिज्युअल…
काश्मीरमध्ये गेले दोन दिवस पावसाने हाहाकार माजवला आहे आणि असे वाटते आहे की, निसर्गाचा कोप…
पंचांग आज मिती चैत्र कृष्ण नवमी शके १९४७. चंद्र नक्षत्र श्रवण. योग शुभ. चंद्र राशी…
किमतीचे नवे सूत्र समिती ठरवणार मुंबई : स्वत:च्या हक्काचे घर घेण्याचे अनेकांचे स्वप्न असते. मात्र…