नवी दिल्ली: भारतात या वर्षी ५ ऑक्टोबरपासून वर्ल्डकप २०२३(world cup 2023) सुरू होणार आहे आणि फायनल सामना १९ नोव्हेंबरला खेळवला जाणार आहे. वर्ल्डकपआधी एक मोठी अपडेट समोर आली आहे. पाकिस्तान विरुद्ध न्यूझीलंड यांच्यात २९ सप्टेंबरला होणारा वर्ल्डकप २०२३चा वार्मअप सामना प्रेक्षकांशिवाय खेळवला जाणार आहे. बीसीसीआयने केलेले हे विधान आश्चर्यचकित करणार आहे.
प्रेक्षकांशिवाय पाहिला जाणार पाकिस्तान-न्यूझीलंड सामना
हैदराबाद पोलिसांनी २९ सप्टेंबरला वर्ल्डकपच्या वॉर्म अप सामन्यातील हैदराबाद क्रिकेट असोसिएशनला पुरेशी सुरक्षा प्रदान करण्याबाबत असमर्थतता जाहीर केली. या सामन्याच्या आधी हैदराबादमध्ये गणेश विसर्जन आणि मिलाद उन नबी हे सण आहेत. याच कारणामुळे प्रेक्षकांना स्टेडियममध्ये जाण्याची परवानगी मिळणार नाही. बीसीसीआयने याबाबत मोठे अपडेट दिले आहेत.
५ ऑक्टोबरपासून वर्ल्डकपला सुरूवात
आयसीसी क्रिकेट वर्ल्डकप ५ ऑक्टोबर २०२३ पासून १९ नोव्हेंबरपर्यंत भारताच्या यजमानपदाखाली खेळवला जाणार आहे. स्पर्धेत १० संघ भाग घेणार आहेत. एकूण ४८ सामने खेळवले जाणार आहेत. आतापर्यंतच्या वर्ल्डकपमध्ये ऑस्ट्रेलियाच्या संघाने सर्वाधिक ५ वेळा वर्ल्डकप जिंकला आहे. याशिवाय भारत आणि वेस्ट इंडिज २-२ वेळा आणि श्रीलंका, पाकिस्तान आणि इंग्लंड यांनी प्रत्येकी एक वेळा वर्ल्डकप जिंकला आहे.
२०२३च्या वर्ल्डकपची सुरूवात माजी विजेता इंग्लंड आणि न्यूझीलंड यांच्यात ५ ऑक्टोबर २०२३ला अहमदाबादच्या नरेंद्र मोदी स्टेडियममध्ये खेळवला जाणार आहे. भारताच्या यजमानपदाखाली होणाऱ्या सामन्याची वेळ सकाळी साडेदहा वाजता आणि दुपारी २ वाजता खेळवले जाणार आहेत.