Mhada : म्हाडाच्या सोडतीतील विजेत्यांची बनवाबनवी उघड

मुंबई: म्हाडाच्या (mhada) मुंबई मंडळाकडून काढम्यात आलेल्या सोडतीत काही विजेत्यांनी बनवाबनवी केल्याचे समोर आले आहे. या सोडतीत ७७ अर्जदार विजेत्यांनी आपल्या पती अथवा पत्नीची माहिती लपवून स्वत:चा अर्ज भरला. मात्र या विजेत्यांची बनवाबनवी म्हाडाकडून पकडण्यात आली आहे. त्यांना या प्रकरणी खुलासा करण्याचे पत्र म्हाडाकडून पाठवण्यात आले आहे. दरम्यान, म्हाडाला समाधानकारक उत्तर मिळाले नाही तर हे विजेते आपले मिळवलेले घर गमावू शकतात तसेच त्यांच्यावर कायदेशीर कारवाई होऊ शकते.


मुंबई मंडळातील घरांसाठी २२ मे २०२३ला ऑनलाईन अर्ज नोंदणी सुरू झाली होती. ४ हजार ८२ घरांसाठी ही सोडत होती. यात १ लाख ४५ हजार ८४९ अर्ज प्राप्त झाले होते. त्यापैकी १ लाख २० हजार १४४ अर्ज सोडतीत सहभागी होती. याची सोडत १४ ऑगस्टला काढण्यात आली होती. दरम्यान, या सोडतीत लॉटरी लागण्यासाठी अर्जदारांनी विविध युक्त्या वापरल्याचे म्हाडाला आढळले.


अर्ज भरताना लग्न झाल्यास पती आणि पत्नीने एकच अर्ज भरायचा असतो. मात्र तसे असतानाही अनेकांनी स्वत:चा वेगळा आणि पत्नीचा वेगळा असा अर्ज भरल्याचे आढळले. दरम्यान, या सगळ्याची तपासणी केली असताना यात ७७ अर्जदारांनी बनवाबनवी केल्याचे समोर आले. या विजेत्यांना घराचा ताबा देण्याची प्रक्रिया थांबवत तातडीने खुलासा करण्याचे पत्र विजेत्यांना देण्यात आल्याचे म्हाडाच्या वरिष्ठ अधिकाऱ्यांनी सांगितले.


दरम्यान, या विजेत्यांकडून समाधानकारक खुलासा न मिळाल्यास त्यांना मिळालेले घर रद्द करून प्रतीक्षा यादीतील लोकांना देणार असल्याचे अधिकाऱ्यांनी सांगितले. तसेच या विजेत्यांवर कायदेशीर कारवाईही केली जामार आहे.


Comments
Add Comment

मुंबईत आता जलवाहिनी दुरुस्तीच्या काळात होणार नाही पाणीकपात, महापालिकेने असे घेतले हाती काम...

मुंबई (खास प्रतिनिधी) : मुंबईला पाणी पुरवठा करणाऱ्या जलवाहिनींमध्ये बिघाड झाल्यास दुरुस्तीच्या काळामध्ये

भारत सागरी सप्ताह २०२५ मध्ये ५५,९६९ कोटी रुपयांचे १५ सामंजस्य करार

भारत सागरी आर्थिक महासत्ता होण्यात महाराष्ट्राचे योगदान मोलाचे ठरेल : मुख्यमंत्री देवेंद्र फडणवीस मुंबई :

मत्स्यव्यवसाय क्षेत्रात सहकारातून समृद्धी आणणार: मंत्री अमित शाह

प्रधानमंत्री मत्स्यसंपदा योजनेंतर्गत दोन मोठ्या नौकांचे सहकारी संस्थांना वितरण मुंबई : सहकाराच्या माध्यमातून

भाजपच्या प्रत्येक कार्यकर्त्यासाठी कार्यालय हे मंदिरासमान

भाजपच्या नव्या प्रदेश कार्यालयाचे अमित शहा यांच्या हस्ते भूमिपूजन मुंबई : भाजपच्या प्रत्येक कार्यकर्त्यासाठी

केईएम रुग्णालयात उपचार घेणाऱ्या छोट्या बच्चूंसाठी गायिका डॉ अनुराधा पौडवाल यांनी दिला असा मदतीचा हात...

मुंबई (खास प्रतिनिधी) : मुंबई महानगरपालिकेच्या राजे एडवर्ड स्मारक अर्थात केईएम रुग्णालयासाठी आता विख्यात गायिका

एसबीआयकडून मोठ्या प्रमाणावर भरती: ३,५०० अधिकाऱ्यांची होणार नियुक्ती

मुंबई : देशातील सर्वात मोठी सार्वजनिक क्षेत्रातील बँक 'स्टेट बँक ऑफ इंडिया' (SBI) आपली कार्यक्षमता वाढवण्यासाठी आणि