अजय मर्चला यांना बाहेरगावी जायचे होते. त्यासाठी ते ऑनलाइन ट्रेनचे तिकीट बुक करत होते. त्यावेळी त्यांचे ट्रेनचे तिकीट बुक झाले नाही; परंतु त्यांच्या बँक खात्यातून १६२७/- रुपये कट झाले. त्यांना थोड्या वेळानंतर बँकेतून कट झालेली रक्कम पुन्हा रिफंड केली जाईल, असा अनोळखी मोबाइल नंबरवरून फोन आला. त्यानंतर अजय यांना पुन्हा दुसऱ्या क्रमांकावरून कॉल आला आणि RUSK DESK App डाऊनलोड करण्यास सांगितले. हा ॲप अजय यांनी डाऊनलोड केला. त्यानंतर भलतेच घडले. अजय यांच्या क्रेडिट कार्डद्वारे ९३ हजार रुपयांची फसवणूक झाल्याची बाब अजय यांच्या लक्षात आली. अजय यांनी सायबर गुन्हे अंतर्गत तक्रार केली. मीरा-भाईंदर, वसई-विरार पोलीस आयुक्तालयातील काशिमिरा पोस्ट हद्दीतील हा प्रकार होता. मोबाइल नंबरचे लोकेशन हे महाराष्ट्राबाहेरचे होते. ज्यांच्या नावाने अजय यांना सुरुवातीला फोन करण्यात आला होता. तो मोबाइल नंबर कोणाचा याची पोलिसांनी माहिती घेण्याचा प्रयत्न केला, तर तो तामिळनाडूमधील असल्याचे कळले. मोबाइलधारकाचे आधारकार्डसह केवायसी प्राप्त करण्यात पोलिसांना यश आले होते; परंतु क्रेडिट कार्डच्या माध्यमातून फसवणूक करणारी व्यक्ती दुसरी असल्याचे पोलीस पथकाच्या लक्षात आले.
मीरा-भाईदर, वसई-विरार पोलीस आयुक्तालयातील पोलीस उप आयुक्त (गुन्हे)अविनाश अंबुरे, सहा. पोलीस आयुक्त (गुन्हे) अमोल मांडवे यांच्या मार्गदर्शनाखाली पोलीस निरीक्षक सुजितकुमार गुंजकर यांनी एक तपास पथक तयार केले. या पथकात स.पो.नि. स्वप्नील वाळ,पो.उप निरी. प्रसाद नोकर, म.पो.हवा. माधुरी पिंडे, पो.अं. गणेश इलग, प्रवीण आव्हाड, म.पो.अं. पल्लवी निकम, अमिना पठाण, सुवर्णा माळी, पो.अं. कुणाल सावळे, प्रशांत बोरकर यांचा समावेश होता. या पथकाने ॲपच्या माध्यमातून अशा पद्धतीने फसवणूक झाली. त्या माहितीचे अवलोकन केले. तक्रारदार अजय यांची फसवणूक रकमेचा वापर करून RAZ SAFE GOLD PAYTM द्वारे करण्यात आले होते. बहुतांश सोन्या-चांदीचे व्यापारी RUST DESK APP चा वापर करत असल्याची माहिती पुढे आली. त्यामुळे पोलिसांनी आरोपीला पकडण्याऐवजी क्रेडिट कार्डच्या माध्यमातून कसे ट्रान्झिक्शन झाले याचा प्राधान्याने तपास केला. ९३ हजार रुपयांच्या शॉपिंग केली गेली, त्या संबंधितांना तत्काळ पत्रव्यवहार व पाठपुरावा केला आणि आठ दिवसांच्या आत अजय यांच्या खात्यावर ही रक्कम पुन्हा वळती करण्यात यश मिळाले. या प्रकारामुळे पोलीस पथकाच्या एक गोष्ट लक्षात आली की, अनोळखी व्यक्तीच्या सांगण्यावरून आपण कोणतेही ॲप डाऊनलोड करण्याचा सल्ला मानला तर तो असा महागात पडू शकतो. ॲप डाऊनलोड करताना स्क्रीनिंग होते. त्यातून ओटीपी नंबरसह अनेक गोपनीय माहिती चोरण्याचा प्रकार घडू शकतो. अजय मर्चला यांच्याबाबतीत तेच घडले.
अशा प्रकारे जनतेची फसवणूक होऊ नये यासाठी सायबर पोलिसांकडून काही सूचना देण्यात आल्या आहेत. गुगलवरून कस्टमर केअरचा नंबर घेऊन त्यावर पडताळणी केल्याशिवाय कोणतीही माहिती उघड करू नये. आपले बँक खाते, जन्मदिनांक, ओटीपी (OTP) वा इतर वैयक्तिक माहिती देऊ नये. अशा फसव्या कॉलला प्रतिसाद देऊ नये. अशा स्वरूपाचे कॉल प्राप्त झाल्यास तत्काळ बँकेसोबत संपर्क साधावा. अशा प्रकारे फसवणूक करणे कायद्याने गुन्हा आहे. असा प्रकार आपल्यासोबत घडला असल्यास तत्काळ नजीकच्या पोलीस ठाण्यास, सायबर गुन्हे कक्षास संपर्क साधावा. तसेच www.cybercrime.gov.in अथवा १९३० वा हेल्पलाइनवर संपर्क साधून तक्रार द्यावी, असे आवाहन मीरा-भाईंदर, वसई-विरार पोलीस आयुक्तालयातील नागरिकांना केले आहे.
maheshom108@gmail.com
सेवाव्रती: शिबानी जोशी ईशान्य भारतातील सात राज्ये निसर्ग संपन्नतेने नटलेली राज्य; परंतु सीमारेषा जवळ असल्यामुळे…
मुंबई : आधीच महागाईने बेजार झालेल्या सर्वसामान्य मुंबईकरांना आणखीन महागाईचा फटका बसण्याची शक्यता आहे. सीएनजी…
मुंबई: भारतीय क्रिकेट संघाचा कर्णधार रोहित शर्माने आयसीसी टी-२० वर्ल्डकप जिंकल्यानंतर या फॉरमॅटला अलविदा म्हटले…
महाराष्ट्रातील १० कॉलेजचा त्यात समावेश मुंबई : वैद्यकीय शिक्षण घेण्यासाठी परदेशामध्ये जाणाऱ्या विद्यार्थ्यांची वाढती संख्या…
वॉशिंग्टन : अमेरिकेत आर्थिक मंदीचा फटका बसला आहे. वाढती बेरोजगारी आणि आयटीतील एआयचा वाढता यामुळे…
मुंबई: केसगळती(hair fall) ही सध्याची मोठी समस्या बनली आहे. थोडेफार केस गळणे ही सामान्य बाब…