Poems and Riddles : बाळूची हुशारी कविता आणि काव्यकोडी


  • कविता : एकनाथ आव्हाड


बाळूची हुशारी...

आमच्या बाळूची
काय सांगू कमाल
चुटकीत कामाचा तो
लावतो निकाल
एकदा काय झाले
आईने केले लाडू
म्हणाली गावाला
यातले थोडे धाडू
गरमागरम लाडू
साजूक तुपातले
आई म्हणाली उद्या
खाऊया सगळे
लाडूकडे पाहून
बाळूने म्हटले
माझ्या तर तोंडाला
पाणीच सुटले
कशाला उद्याची
वाट मी पाहू
लाडवांचा समाचार
आजच घेऊ
बाळूने पाच लाडू
गुपचूप केले फस्त
उद्याचे काम म्हणे
आज केले मस्त !

काव्यकोडी : एकनाथ आव्हाड


१) उसाचा रस, आटवला खूप
ढेपेसारखे, घेई तो रूप
खनिज, क्षार, ठेवतो पोटात
साऱ्यांशी गोड, बोलतो थाटात.
पुरणाच्या पोळीला, याचीच सोबत
तिळाच्या साथीला, येतो हा पळत
मुंगळे याच्याकडे, घेतात धाव
खूप, झालं सांगून ओळखा याचं नाव?

२) यासारखा गरीब प्राणी, दुसरा नाही कुणी?
उपयोगी पडणारा, हा आहे बहुगुणी
तरीसुद्धा जो तो, टाकून बोले याला
याच्यासारखं वागू नये, सांगे दुसऱ्याला
ओझी याच्या पाठीवर, मान सदा खाली
कुंभार असतो त्याचा, खराखुरा वाली
उकिरड्यावरसुद्धा, तो जाऊन चरतो
आल्यावर राग मात्र, लाथा कोण मारतो?

३) कापडासारखे, ते आहे ढवळे
कधी कधी काळे तर कधी सावळे
दिवसा सूर्याची, त्याला मिळे साथ
ढगांचा ताफाही फिरे येथे जोशात
चंद्राची दिमाखात, फिरते स्वारी
चांदण्या हसून, लुकलुक करी
रात्री चमचम, चमकत राहते
दिवसा कोण मात्र, लख्ख होते?
उत्तर -
१) गूळ

२) गाढव

३) आकाश

eknathavhad23 @gmail.com
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

 
Comments
Add Comment

मनाची श्रीमंती!

कथा : रमेश तांबे दिवाळी नुकतीच संपली होती. दिवाळीचे चार-पाच दिवस कसे संपले हे नमिताला कळलेच नव्हते. दिवाळी येणार

पारदर्शक पदार्थ

कथा : प्रा. देवबा पाटील सीता व निता या दोघी बहिणींना जशी अभ्यासाची गोडी होती तशीच वाचनाचीसुद्धा आवड होती. त्या सतत

बदलांचा स्वीकार!

खरे तर बदलांचा स्वीकार करणे याला खूप चांगला इंग्रजी शब्द आहे ऍडॉप्शन! आपण कितीही मनात आणले तरी आपल्याला हवे तसे

कचरा कचराकुंडीतच टाकावा !

लहानशा गोष्टी, मोठा अर्थ : शिल्पा अष्टमकर ‘स्वच्छ मुंबई ,सुंदर मुंबई ‘ असे फलक मुंबईत ठिकठिकाणी आपण पाहतो. अनेक

सूर्यप्रकाशाचे रंग

कथा : प्रा. देवबा पाटील सीता आणि नीता या सख्ख्या बहिणीच असल्याने दोघींचे आपसातही छान मेतकूट जमायचे. दोघीही नेहमी

खरी पूजा

कथा : रमेश तांबे अजितच्या घराजवळच गणपतीचं एक मंदिर होतं. त्याची आजी दररोज सकाळी पूजेसाठी मंदिरात जायची. जवळजवळ