दिल्लीचा विजय; पंजाबचा खेळ खराब

  138

धर्मशाला (वृत्तसंस्था) : रिली रोसोच्या झंझावाती ८२ धावा आणि पृथ्वी शॉ-डेविड वॉर्नर यांची दमदार सलामी या बळावर दिल्ली कॅपिटल्सने दिलेला २१४ धावांचा डोंगर सर करताना पंजाब किंग्जच्या नाकीनऊ आले. लिअम लिव्हींगस्टोनने ९४ धावा फटकवत किंग्जला विजायची आस दाखवली होती. परंतु तो बाद झाल्यावर पंजाबला गाशा गुंडाळावा लागला. दिल्लीने १५ धावांनी बाजी मारत पंजाबचा खेळ खराब केला. पराभवामुळे पंजाबचे प्ले ऑफ प्रवेशाचे स्वप्न भंगले.


प्रत्युत्तरार्थ फलंदाजीला आलेल्या पंजाबला खराब सुरुवात मिळाली असली तरी अथर्व तायडे आणि लिअम लिव्हींगस्टोन या जोडगोळीने किंग्जच्या विजयाची आशा जिवंत ठेवली होती. लिव्हींगस्टोनने ४८ चेंडूंत ९४ धावा फटकवल्या. या खेळीत त्याने ५ चौकार आणि ९ षटकार तडकावले. त्याला अथर्व तायडेने छान साथ दिली होती. अथर्वने ४२ चेंडूंत ५५ धावा जमवल्या. तो रिटायर्ड आऊट झाला. त्याने ५ चौकार आणि २ षटकार फटकवले. अथर्व बाद झाल्यावर लिव्हींगस्टोनला दुसऱ्या बाजूने साथ मिळाली नाही. दिल्लीच्या इशांत शर्मा आणि नॉर्टजे यांनी प्रत्येकी २ बळी मिळवले. पंजाबचा संघ निर्धारित २० षटकांत ८ फलंदाज गमावून १९८ धावांपर्यंतच पोहचू शकला.


तत्पूर्वी रिली रोसोच्या वादळी अर्थशतकाच्या जोरावर दिल्लीने दोन विकेटच्या मोबदल्यात २१३ धावांचा डोंगर उभारला. रिली रोसोने ३७ चेंडूंत नाबाद ८२ धावांची वादळी खेळी खेळली. या खेळीत त्याने ६ षटकार लगावले. पृथ्वी शॉलाही या सामन्यात सूर गवसला. त्याने ५४ धावांची खेळी केली. त्याशिवाय डेविड वॉर्नरने मोलाचे योगदान दिले. वॉर्नरने ४६ धावा जोडल्या. दिल्लीने निर्धारित २० षटकांत २ विकेट गमावून २१३ धावांचा डोंगर उभारला. पंजाबकडून सॅम करन सर्वात यशस्वी गोलंदाज ठरला. त्याने दोन विकेट घेतल्या. सॅम करनशिवाय एकाही गोलंदाजाला विकेट घेता आली नाही. कगिसो रबाडा, अर्शदीप सिंह, नॅथन एलिस, राहुल चहर आणि हरप्रीत ब्रार यांची विकेटची पाटी कोरीच राहिली.

Comments
Add Comment

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर

बंगळुरु चेंगराचेंगरीच्या दुर्घटनेच्या तीन महिन्यानंतर आरसीबीची भावुक पोस्ट

नवी दिल्ली :  आयपीएल २०२५ चॅम्पियन रॉयल चॅलेंजर्स बंगळुरू अखेर सोशल मीडियावर परतले आहे. त्यांनी बंगळुरूमधील

R Ashwin IPL Retirement: आर. अश्विनने आयपीएलला दिला निरोप! म्हटले "प्रत्येक शेवट ही एक..."

चेन्नई: भारतीय ऑफ स्पिनर रविचंद्रन अश्विनने इंडियन प्रीमियर लीग (IPL) मधून निवृत्ती घेण्याचा निर्णय घेतला आहे. पण