उद्धव ठाकरे हे मविआवरील ओझे

भाजप आमदार नितेश राणेंचा संजय राऊतांवरही जोरदार प्रहार


मुंबई : भाजपचे आमदार नितेश राणे यांनी ठाकरे गटाचे खासदार संजय राऊतांवर चौफेर हल्लाबोल करत जोरदार प्रहार केला आहे. एवढ्या लवकर डेसिबल कमी होईल, व तोंड पडलेले दिसेल असे वाटले नव्हते. मी प्रत्युत्तर दिले आणि एकाच दिवसात एम टीव्हीचा आस्था चॅनेल झाला, असे म्हणत नितेश राणे यांनी राऊतांना डिवचले.


याआधी संजय राऊतांनी बोलताना शिंदे गट हे भाजपवर ओझे झाल्याचे म्हटले होते. यावर उद्धव ठाकरे हेच मविआवर ओझे झाल्याचे राणेंनी प्रत्युत्तर दिले आहे.


ठाकरे गटाचे खासदार संजय राऊत यांच्या पत्रकार परिषदेला कालपासून नितेश राणे हे चोख प्रत्युत्तर देत आहेत.


संजय राऊत लावारिस?


राऊतांनी माझ्या एकाच पत्रकार परिषदेनंतर देवेंद्र फडणवीसांचे कौतुक केले. संजय राऊत हे ना शरद पवारांचे आहेत ना उद्धव ठाकरेंचे. ते आता लावारिस आहेत का, असा प्रश्न नितेश राणे यांनी केला आहे. ज्या माणसाला शिवसेनेच्या स्थापनेचे वर्ष माहित नाही, तो आम्हाला काय शिवसेना शिकवतो, असे म्हणत त्यांनी राऊतांना खडेबोल सुनावले.


१ मे रोजी मुंबईत होणार महाविकास आघाडीची शेवटची वज्रमुठ सभा


तसेच १ मे रोजी मुंबईत महाविकास आघाडीची होणारी सभा ही शेवटची वज्रमुठ सभा असेल, असे म्हणत त्यांनी मविआवर निशाणा साधला आहे. तसेच निवडणूक आयोगाने शिवसेना हे नाव व धनुष्यबाण हे चिन्ह एकनाथ शिंदेंना दिले आहे. तरीसुध्दा उद्धव ठाकरे गट शिवसेना या नावाचा वापर करत आहे. याबद्दल मी शिवसेनेच्या नेत्यांशी बोलणार असल्याचे त्यांनी म्हटले आहे.

Comments
Add Comment

पोलिसांनी दंड आकारल्याने झाडावर चढून तरूणाचे आंदोलन

मुंबई: मु्ंबई वाहतूक पोलिसांनी दंड आकारल्याने एका चालकाने चक्क झाडावर चढून अनोखे आंदोलन केले. तब्बल दोन तास

मुंबई मनपावर भगवा फडकवण्यासाठी शिवसेना-भाजपची मोर्चेबांधणी

समसमान जागांसाठी शिवसेना तर दीडशे प्लससाठी भाजप आग्रही मुंबई : उपमुख्यमंत्री एकनाथ शिंदे यांच्या

'आयुष'च्या ४२८५ रिक्त जागा, होमिओपथी, आयुर्वेद, युनानी अभ्यासक्रमांचे प्रवेश

महाराष्ट्र : आरोग्यविज्ञान विद्यापीठाशी संलग्न असलेल्या सरकारी आणि खासगी महाविद्यालयांकडून राबवण्यात

शिक्षक होण्याची सुवर्णसंधी, CTETची अधिसूचना जाहीर

मुंबई : केंद्रीय शिक्षक पात्रता परीक्षेचे वेळापत्रक जाहीर झाले आहे. या वेळापत्रकानुसार केंद्रीय शिक्षक पात्रता

उत्तम आरोग्यासाठी महापालिका आयुक्तांनी केल्या अशा सूचना

मुंबई (खास प्रतिनिधी) : मुंबईकरांनी आपल्या उत्तम आरोग्यासाठी उद्यानात आणि व्यायामशाळेत श्रम घेणे गरजेचे आहे.

पक्षप्रतिमा जपण्यासाठी अजित पवार संघापासून चार हात दूरच!

मुंबई  : तळेगाव दाभाडे नगर परिषदेच्या नवीन इमारतीच्या उद्घाटनाचा कार्यक्रम सोमवारी पार पडला. हा कार्यक्रम