कोलकाता (वृत्तसंस्था) : अजिंक्य रहाणे आणि शिवम दुबे या दोन्ही मुंबईच्या खेळाडूंनी केलेल्या तुफान फटकेबाजीमुळे चेन्नईने कोलकात्यावर ४९ धावांनी सहज विजय मिळवला. आपल्या तुफानी फटकेबाजीच्या जोरावर दोघांनीही केकेआरच्या गोलंदाजांना लोटांगण घालायला भाग पाडले. या दोघांच्या झंझावाती फटकेबाजीच्या जोरावर चेन्नईला २३५ धावांचा डोंगर उभारता आला होता. या आव्हानाचा पाठलाग करताना केकेआरपुढे चेन्नईच्या गोलंदाजांनी अचूक मारा केला आणि हा सामना ४९ धावांनी सहजपणे जिंकला.
चेन्नईला यावेळी दमदार सुरुवात करून दिली ती डेव्हॉन कॉनवे आणि ऋतुराज गायकवाड यांनी. या दोघांनी सुरुवातीपासून धडाकेबाज फटकेबाजी केली. त्यामुळेच चेन्नईच्या संघाला ७.३ षटकांत ७३ धावांची सलामी मिळाली. केकेआरचा फिरकीपटू सुयश शर्माने यावेळी ऋतुराजला बाद केले आणि चेन्नईला पहिला धक्का दिला. ऋतुराजने यावेळी २० चेंडूंत दोन चौकार आणि तीन षटकारांच्या जोरावर ३५ धावांची खेळी साकारली. ऋतुराज बाद झाला असला तरी कॉनवे सुंदर फटकेबाजी करत होता आणि त्याला यावेळी सुयोग्य साथ मिळाली. अजिंक्य रहाणेच्या वादळी खेळीच्या बळावर चेन्नईने निर्धारित २० षटकात २३५ धावांपर्यंत दमदार मजल मारली. अजिंक्य रहाणे, डेवेन कॉनवे आणि शिवब दुबे यांनी अर्धशतकी खेळी केली. तर ऋतुराज गायकवाड आणि रविंद्र जाडेजा यांनी प्रभावी फलंदाजी केली. चेन्नईच्या फलंदाजांनी रविवारी षटकारांचा पाऊस पाडला. चेन्नईने तब्बल १८ षटकार लगावले आणि १४ चौकार मारले.
नाणेफेक गमावल्यानंतर प्रथम फलंदाजी करणाऱ्या चेन्नईची दमदार सुरुवात झाली. डेवेन कॉनवे आणि ऋतुराज गायकवाड यांनी ७३ धावांची सलामी दिली. गायकवाड याने २० चेंडूत ३५ धावांचे योगदान दिले. ऋतुराज गायकवाड याने तीन षटकार आणि दोन चौकार लगावले. गायकवाड बाद झाल्यानंतर कॉनवे आणि रहाणे यांनी आक्रमक फलंदाजी केली. डेवेन कॉनवे याने ४० चेंडूत ५६ धावांचे योगदान दिले. या खेळीत कॉनवेने चार चौकार आणि तीन षटकार लगावले. कॉनवे आणि रहाणे यांनी २८ चेंडूत ३६ धावांची भागिदारी केली. कॉनवे बाद झाल्यानंतर रहाणे आणि शिवम दुबे या महाराष्ट्राच्या जोडीने कोलकात्याच्या गोलंदाजांचा समाचार घेतला. या जोडीने चारी बाजूने फटकेबाजी केली. रहाणे आणि शिवम दुबे यांनी ३२ चेंडूत ८५ धावांची भागिदारी केली. तर अजिंक्य रहाणे आणि रविंद्र जाडेजा यांनी १३ चेंडूत ३८ धावांची भागिदारी केली.
शिवम दुबे याने २१ चेंडूत ५० धावांचे वादळी योगदान दिले. या खेळीत दुबे याने पाच षटकार आणि दोन चौकार लगावले. शिवम दुबे आणि अजिंक्य रहाणेपुढे कोलकात्याची गोलंदाजी कमकुवत जाणवत होती. खजोरीयाने शिवम दुबेला बाद केले. पण दुसऱ्या बाजुला अजिंक्य रहाणेची वादळी खेळी सुरुच होती. अजिंक्यने अवघ्या २९ चेंडूत नाबाद ७१ धावांची खेळी केली. या खेळीत रहाणेने पाच षटकार आणि सहा चौकार लगावले. रहाणे याने कोलकात्याच्या गोलंदाजांचा चांगलाच समाचार घेतला. जाडेजानेही आठ चेंडूत १८ धावांचे योगदान दिले. रविंद्र जाडेजाने दोन खणखणीत षटकार लगावले.
कोलकात्याकडून कुलवंत खजोरीया याने सर्वाधिक दोन विकेट घेतल्या. पण खजोरीया याने तीन षटकात ४४ धावा खर्च केल्या. वरुण चक्रवर्तीने चार षटकात ४९ धावा दिल्या. सुयेश शऱ्मा याने कंजूष गोलंदाजी केली. सुयेश शर्मा याने चार षटकात फक्त २९ धावा खर्च करत एक विकेट घेतली. उमेश यादवने तीन षटकात ३५ धावा दिल्या. डेविव वाईस याने तीन षटकात ३८ धावा दिल्या. नारायण याने दोन षटकात २३ धावा दिल्या. आंद्रे रसेल याने एक षटकात १७ धावा खर्च केल्या.
मुंबई(ज्ञानेश सावंत): दिल्लीचा संघ सध्या अव्वल तीन संघा मध्ये आहे व पहिल्या फेरीत दिल्लीने लखनऊ…
मुंबई: सध्या सगळीकडेच उष्णतेच्या लाटेने नागरिक त्रस्त आहेत. राज्यातही तापमानाचा पारा दिवसेंदिवस चांगलाच वाढत आहे.…
कोकणातून मुंबईकडे जाणाऱ्या रेल्वेगाड्या ठाण्यापर्यंत धावणार रत्नागिरी : मध्य रेल्वेवरील छत्रपती शिवाजी महाराज टर्मिनसवरील फलाटांच्या…
येत्या २ मे ते १२ जून २०२५ या कालावधीत भरणार हे वाचनालय महानगरपालिकेच्या विद्यार्थ्यांसमवेत खासगी…
चंद्रपूर : गेल्या आठवड्यापासून चंद्रपूर जिल्ह्याला तीव्र उन्हाचा तडाखा बसत असून दिनांक २१ ते २४…
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…