पंजाबला नमवत हैदराबादचा पहिला विजय

  142

मयांक मार्कंडे, राहुल त्रिपाठी विजयाचे शिल्पकार


हैदराबाद (वृत्तसंस्था) : मयांक मार्कंडेच्या भेदक गोलंदाजीसमोर शिखर धवन वगळता पंजाब किंग्जचे अन्य फलंदाज पत्त्यासारखे कोसळले. त्यानंतर राहुल त्रिपाठीच्या नाबाद ७४ धावांच्या जोरावर सनरायझर्स हैदराबादने ८ विकेट राखून १४४ धावांच्या लक्ष्याचा यशस्वी पाठलाग केला. हैदराबादचा यंदाच्या हंगामातील हा पहिला विजय ठरला.

पंजाब किंग्जने दिलेल्या १४४ धावांच्या माफक लक्ष्याचा पाठलाग करणे हैदराबादला म्हणावे तितके सोपे गेले नाही. हैदराबादने संयमी सुरुवात केली. संघाची धावसंख्या ४५ असताना हैदराबादची सलामीवीर जोडी तंबूत परतली होती. हॅरी ब्रुकने १३, तर मयांक अगरवालने २१ धावा केल्या. त्यानंतर राहुल त्रिपाठीने फलंदाजीची सूत्रे हाती घेत कर्णधार मारक्रमच्या साथीने हैदराबादला विजय मिळवून दिला. राहुल त्रिपाठीने नाबाद ७४ धावा केल्या. मारक्रमने त्याला नाबाद ३७ धावांची साथ दिली. हैदराबादने ८ विकेट राखून १७.१ षटकांत विजयी लक्ष्य गाठले. पंजाबच्या अर्शदीप सिंग आणि राहुल चहर यांनी प्रत्येकी एक विकेट मिळवली.


हैदराबादच्या भेदक गोलंदाजीसमोर पंजाबची फलंदाजी ढासळली. कर्णधार शिखर धवनने एकाकी झुंज देत पंजाबला तारत सन्मानजनक धावसंख्या उभारून दिली. शिखर धवनच्या नाबाद ९९ धावांमुळे हैदराबादने २० षटकांत ९ फलंदाजांच्या बदल्यात १४३ धावा केल्या. धवनने आपल्या खेळीत १२ चौकार आणि ५ षटकार लगावले. सॅम करनने २२ धावांची भर घातली. पंजाबचे अन्य फलंदाज अपयशी ठरले. या दोघांव्यतिरिक्त किंग्जच्या एकाही फलंदाजाला दुहेरी धावसंख्या ओलांडता आली नाही. हैदराबादच्या मयांक मार्कंडेने आपल्या गोलंदाजीने प्रभावित केले. त्याने ४ षटकांत अवघ्या १५ धावा देत ४ फलंदाजांना माघारी धाडले. मार्को जेन्सेन आणि उमरान मलिक यांनी प्रत्येकी २ बळी मिळवले.

Comments
Add Comment

क्रिकेटपटू सूर्यकुमार यादव रुग्णालयात

नवी दिल्ली : भारताच्या टी २० क्रिकेट संघाचा कर्णधार सूर्यकुमार यादव जर्मनीतील रुग्णालयात आहे. सूर्यकुमार यादववर

अभिनेता सलमान खान बनला दिल्ली फ्रँचायझीचा मालक

नवी दिल्ली : देशातील पहिली आणि सर्वात मोठी टेनिस बॉल टी-१० क्रिकेट लीग इंडियन स्ट्रीट प्रीमियर लीगच्या तिसऱ्या

कसोटी सामन्यात ऋषभ पंत सातव्या स्थानी

लीड्स : इंग्लंड विरुद्ध झालेल्या कसोटी सामन्यात ऋषभ पंत ने उत्तम कामगिरी केली आहे . कसोटी क्रिकेट च्या इतिहासात

दिनेश कार्तिकने केली टीम इंडियाची डॉबरमॅनशी तूलना, विधानाने खळबळ

लीड्स: इंग्लंडच्या दौऱ्यावर असलेल्या टीम इंडियाचा लीड्स कसोटीमध्ये 5 विकेट्सने निराशाजनक पराभव पत्करावा लागला.

नीरज चोप्राने ५ दिवसांत सलग दुसऱ्या सुवर्णपदकावर कोरले नाव

पॅराग्वे :नीरज चोप्राने ५ दिवसांत सलग दुसऱ्या सुवर्णपदकावर आपलं नाव कोरलं आहे. त्याने चेक प्रजासत्ताकमधील

IND vs ENG 1st Test: ५ शतके झळकावूनही सामना हातून गेला! शेवटच्या दिवशी इंग्लंडने मारली बाजी

इंग्लंडने टीम इंडियाचा ५ विकेट्सने पराभव करत १-० अशी आघाडी घेतली. लीड्स:  हेडिंग्ले मैदानावर खेळल्या गेलेल्या