पर्थ (वृत्तसंस्था) : ऑस्ट्रेलियात सुरू असलेल्या टी-२० विश्वचषक स्पर्धेदरम्यान रुममधील व्हायरल झालेल्या व्हीडिओबाबत भारतीय संघाचा फलंदाज विराट कोहलीने नाराजी व्यक्त केली आहे. हा व्हीडिओ त्याच्या पर्थमधील हॉटेल रुमचा आहे. त्यावेळी हॉटेलमधील कोहलीच्या खोलीत एक अज्ञात व्यक्ती घुसला आणि कोहली खोलीत नसतानाचा व्हीडिओ बनवला. हा व्हीडिओही व्हायरल झाला होता. आता हॉटेलने याबाबत आपले वक्तव्य जारी केले असून माफी मागितली आहे.
या प्रकाराबद्दल स्पष्टीकरण देताना हॉटेलने सांगितले आहे की, त्यांनी या प्रकरणी तत्काळ कारवाई केली असून यामध्ये सहभागी असलेल्या व्यक्तीला हॉटेलमधून काढून टाकण्यात आले आहे. क्राउन पर्थ नावाच्या हॉटेलने एक निवेदन जारी करून म्हटले आहे की, आम्ही या प्रकरणात सहभागी असलेल्या आमच्या पाहुण्यांची माफी मागतो. या प्रकरणात क्राऊनने तातडीने पावले उचलली आहेत. यामध्ये ज्या व्यक्तीचा सहभाग होता त्याला काढून टाकण्यात आले असून त्याला काऊंटच्या अकाउंटमधूनही काढून टाकण्यात आले आहे. मूळ व्हीडिओ सोशल मीडियावरूनही हटवला जाईल.
हॉटेलने सांगितले की, या प्रकरणाची थर्ड पार्टीकडून चौकशी केली जात आहे. निवेदनात असे लिहिले आहे की, क्राऊन या प्रकरणाची तृतीय पक्षामार्फत चौकशी करत आहे. त्याचबरोबर असा प्रकार पुन्हा घडू नये यासाठी सर्वतोपरी प्रयत्न केले जात आहेत. आम्ही भारतीय क्रिकेट संघ आणि आयसीसीची माफी मागतो.
हा व्हीडिओ समोर आल्यानंतर कोहलीने इंस्टाग्रामवर एक पोस्ट लिहून आपला राग व्यक्त केला होता. कोहलीने आपल्या पोस्टमध्ये लिहिले होते की, मला वाटते की चाहते त्यांच्या आवडत्या खेळाडूंना पाहून खूप आनंदित होतात, त्यांना भेटतात आणि मी त्याचे कौतुक करतो. पण या व्हीडिओने माझ्या प्रायव्हसी बद्दल चिंता वाढवली आहे. जर मला माझ्या हॉटेलच्या खोलीत प्रायव्हसी मिळत नसेल, तर मी माझ्या पर्सनल स्पेसची अपेक्षा कुठे करावी?
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…
२४ एप्रिलला एकनाथ शिंदे यांची शक्तिप्रदर्शन सभा! सिंधुदुर्ग : राज्याचे उपमुख्यमंत्री आणि शिवसेना पक्षप्रमुख एकनाथ…
माजी नगरसेवक राकेश कांदे यांचा वैभव नाईकांना थेट इशारा सिंधुदुर्ग : चेंदवण येथील सिद्धिविनायक उर्फ…
लहान नाल्यातील गाळ काढण्यापूर्वीचे आणि नंतरचे सीसीटीव्हीद्वारे चित्रीकरण मुंबई (खास प्रतिनिधी): पावसाळापूर्व कामांचा भाग म्हणून…
PM Modi : आजची धोरणे, निर्णय पुढील हजार वर्षांच्या भविष्याला आकार देणार आहेत : पंतप्रधान…
World Earth Day 2025: आपली शक्ती, आपला ग्रह - विश्व पृथ्वी दिन २०२५ मुंबई :…