मुंबई : ठाकरे कुटुंबीयांच्या मालमत्तेची चौकशी करा, अशी मागणी करणारी याचिका गौरी भिडे यांनी उच्च न्यायालयात दाखल केली आहे. यामुळे भिडे यांच्या जीवाला धोका असल्याने भाजपा आमदार निेतेश राणे यांनी भिडे यांना पोलीस संरक्षण देण्याची मागणी केली आहे.
केंद्र सरकार, राज्य सरकार, सीबीआय, ईडीसह उद्धव ठाकरे, रश्मी ठाकरे, आदित्य आणि तेजस ठाकरे यांनाही याचिकेत प्रतिवादी करण्यात आले आहे. असे असताना आता नितेश राणे यांनी गौरी भिडेंबद्दल एक ट्वीट केले आहे. ज्यामुळे उलट सुलट चर्चांना उधाण आले आहे.
“गौरी भिडे हिच्या जिवाचे रक्षण व्हावे, महाराष्ट्र राज्य शासनाने तिला त्वरित पोलीस संरक्षण द्यावे. दिशा सालियान, सुशांत सिंग राजपूत आणि मनसुख हिरेन यांचे काय झाले ते आम्हाला माहीत आहे.” असे आमदार नितेश राणे यांनी ट्वीटमध्ये म्हटले आहे.
https://twitter.com/NiteshNRane/status/1582947829680869376
ठाकरे कुटुंबाने कशाप्रकारे भ्रष्टाचार केला आणि बेहिशेबी मालमत्ता जमा केली हे सांगणारी कागदपत्रे याचिकेसह जोडण्यात आली आहेत. कोणत्याही राजकीय पक्षात स्वत: अधिकृत पद धारण करणे, हे उत्पन्नाचे कायदेशीर स्त्रोत असू शकत नाही. त्याचप्रमाणे, कोणत्याही राज्यात मुख्यमंत्री आणि कॅबिनेट मंत्रिपदाची घटनात्मक पदे धारण करणे हे देखील उत्पन्नाचे साधन नाही. उद्धव, आदित्य आणि रश्मी यांनी कधीही कोणत्याही विशिष्ट सेवा, व्यवसाय आणि व्यवसाय त्यांच्या उत्पन्नाचे अधिकृत स्त्रोत उघड केले नाहीत. तरीही त्यांच्याकडे मुंबईसारख्या शहरात आणि रायगड जिल्ह्यात प्रचंड मालमत्ता असल्याचे आढळून आले आहे, असा दावाही याचिकेत करण्यात आला आहे. यामुळे भिडे यांच्या जीवाला धोका असल्याने आमदार राणे यांनी भिडे यांना पोलीस संरक्षण देण्याची मागणी केली आहे.
