मुंबई : अंधेरी पूर्व विधानसभा निवडणुकीसाठी भाजपकडून मुरजी पटेल यांनी उमेदवारी अर्ज दाखल केला आहे. परंतु, ठाकरे गटाने त्यांच्या उमेदवारीवर आक्षेप नोंदवला आहे. बृहन्मुंबई महानगरपालिकेने मुरजी पटेल यांना ६ वर्ष निवडणूक लढण्यास अपात्र ठरविले असतानादेखील उमेदवारी अर्ज कसा काय स्विकारला, असा सवाल ठाकरे गटाने उपस्थित केला आहे. तसेच मुरजी पटेल यांचा निवडणूक अर्ज रद्द करण्यासाठी अंधेरी विधानसभा मतदार संघाचे निवडणूक निर्णय अधिकारी यांच्याकडे तक्रारही दाखल केली आहे.
शिवसेनेचे माजी नगरसेवक व ठाकरे गटातर्फे अंधेरी पोटनिवडणुकीसाठी पर्यायी उमेदवारी अर्ज दाखल करणारे संदीप नाईक यांनी आज पत्रकार परिषद घेत मुरजी पटेलांवर गंभीर आरोप केले.
मुरजी पटेल यांना बृहन्मुंबई महानगरपालिकेच्या निवडणुकीत खोटे कागदपत्र सादर केल्यामुळे त्यांना महाराष्ट्र शासनाच्या आदेशानुसार महानगरपालिकेने सहा वर्षाकरिता निवडणूक लढण्यास अपात्र ठरविले आहे. असे असतानासुद्दा त्यांचा निवडणुकीचा अर्ज कोणत्या नियमानुसार आपण स्विकारलात? असा सवाल नाईक यांनी उपस्थित केला आहे.
तसेच, दिलेल्या माहितीची शहानिशा करुन मुरजी पटेल यांचा अर्ज रद्द करावा, अशी विनंतीदेखील नाईक यांनी केली आहे.
तसेच, अंधेरी पोटनिवडणुकीतील भाजप व शिंदे गटाचे उमेदवार मुरजी पटेल यांच्याविरोधात भ्रष्टाचाराचे गुन्हे दाखल आहेत. मात्र, उमेदवारी अर्ज भरताना त्यांनी स्वत:वर दाखल गुन्ह्यांची माहिती लपवली, असा गंभीर आरोपही नाईक यांनी केला आहे.
सात वर्षात १ लाखांहून अधिक नवजात बालकांचे मृत्यू मुंबई(साक्षी माने) : महाराष्ट्रात मोठ्या लोकसंख्येने जागोजागी…
मुंबई : छत्रपती शिवाजी महाराज आंतरराष्ट्रीय विमानतळ (टी २) ते अंधेरी पूर्व मेट्रो-७ अ या…
माझे कोकण: संतोष वायंगणकर गरिबी आहे, घरची परिस्थिती नाही यामुळे पुढे शिक्षण घेता येत नाही…
वैशाली शिरोडकर: पहलगाम निसर्गाने मुक्तहस्ते उधळण केलेला काश्मीरचा भाग दहशतीच्या सावटाखालीही फुलतो आहे. गेल्या चार-पाच…
पंचांग आज मिती चैत्र कृष्ण वरुथिनि एकादशी, शके १९४७. शततारका नक्षत्र. योग ब्रम्हा. चंद्र राशी…
भारताचे नंदनवन म्हणून ओळखल्या जाणाऱ्या काश्मीरमधील पहलगाममध्ये मंगळवारी दहशवाद्यांनी निष्पाप पर्यटकांवर हल्ला करून २८ जणांची…