नाशिक : नाशिक ग्रामीण हद्दीतील जायखेडा पोलीस ठाणे हद्दीत ३० हजारांची लाच मागणाऱ्या पोलीस शिपायाला अटक करण्यात आला आहे. दाखल गुन्ह्यात अटक न करण्याकरता ३० हजारांची लाच मागणाऱ्या पोलीस शिपाई असलाच लुचपत प्रतिबंधक विभागातर्फे सापळा रचून अटक करण्यात आले आहे.
जायखेडा पोलीस ठाणे येथे एका व्यक्तीवर गुन्हा दाखल करण्यात आला होता. या प्रकरणात त्यांना अटक न करण्याकरता पोलीस शिपाई सचिन राजेंद्र पवार यांनी ३० हजारांची मागणी केली. यावरून तक्रारदार यांनी लाचलुचपत प्रतिबंधक विभागाशी संपर्क साधला.
दरम्यान यावरून पोलीस अधीक्षक सुनील कडासने, अपर पोलीस अधीक्षक नारायण न्याहळदे, उपअधीक्षक सतीश भामरे यांच्या मार्गदर्शनाखाली पोलीस निरीक्षक संदीप साळुंखे, हवालदार पंकज पळसेकर, पोलीस नाईक नितीन कराड, प्रभाकर गवळी, वैभव देशमुख, संतोष गांगुर्डे, यांच्या पथकाने सापळा रचून शिपाई सचिन राजेंद्र पवारला लाच घेताना रंगेहाथ पकडून त्यांच्यावर गुन्हा दाखल केला आहे.
