Monday, July 15, 2024
Homeताज्या घडामोडीमुंबईत ९७५ नव्या रुग्णांची नोंद

मुंबईत ९७५ नव्या रुग्णांची नोंद

मुंबई (प्रतिनिधी) : मुंबईत पुन्हा एकदा कोरोना रुग्णसंख्येत वाढ होताना पहायला मिळत आहे. दैनंदिन रुग्णसंख्या हजारच्या जवळ पोहचताना पाहायला मिळत आहे. सध्या सणांच्या कालावधीत मुंबईतील बाजारांत खरेदीसाठी गर्दी वाढत आहे. तर दुसरीकडे कोरोनाचा दिवसभरातील नव्या रुग्णांचा आकडाही वाढत आहे. त्यामुळे मुंबईकरांसोबतच पालिकेचीही चिंता वाढली आहे.

बुधवारी मुंबईत ९७५ नव्या कोरोना रुग्णांची नोंद झाली आहे. सक्रिय रुग्णांची संख्या ५,१९४ एवढी आहे. दिवसभरात बरे झालेल्या रुग्णांची संख्या ८५० आहे. कोविड आणि इतर आजारामुळे दोन जणांचा मृत्यू झाला आहे. दरम्यान गेले काही दिवस कमी झालेली कोरोना रुग्णसंख्या वाढताना पाहायला मिळत असल्याने चिंता वाढली आहे.

बरे झालेल्या रुग्णांचा दर कमी होत असून ९७.८ टक्के झाला आहे तर कोविड वाढीचा तर ०.०६३ टक्के झाला आहे. कोविड दुप्पटीचा कालावधी १०८८ दिवस झाला आहे. सध्या मुंबईत सणांचे दिवस असून गर्दी न करता काळजी घेण्याचे आवाहन पालिकेतर्फे करण्यात आले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -