मुंबई : महाराष्ट्र राज्य माध्यमिक व उच्च माध्यमिक शिक्षण मंडळाकडून (MSBSHSE) आज (२ मे २०२६) दुपारी १ वाजता इयत्ता बारावीचा निकाल जाहीर केला जाणार आहे. मात्र निकाल जाहीर होण्यापूर्वी मंडळाकडून पत्रकार परिषद घेण्यात आली. मंडळाचे अध्यक्ष त्रिगुण कुलकर्णी यांनी सांगितले की, यंदा राज्याचा एकूण निकाल ८९.७९ टक्के इतका लागला आहे. मागील वर्षाच्या तुलनेत या निकालात सुमारे २.९ टक्क्यांची घट झाली आहे. विशेष म्हणजे, यंदा कोकण विभागाने आणि विद्यार्थिनींनी निकालात बाजी मारली आहे. (HSC Result 2026)
मुंबई : सनरायझर्स हैदराबादला मोठा धक्का बसला आहे. युवा वेगवान गोलंदाज शिवम मावी (Shivam Mavi) मांडीच्या दुखापतीमुळे संपूर्ण स्पर्धेतून बाहेर पडला आहे. Indian Premier ...
राज्यातील नऊ विभागीय मंडळांमधून एकूण १४ लाख ३३ हजार विद्यार्थी परीक्षेला बसले होते. त्यापैकी १२ लाख ८६ हजार ८४३ विद्यार्थी उत्तीर्ण झाले आहेत.
विभागनिहाय निकाल पुढीलप्रमाणे :
- कोकण विभाग – सर्वाधिक ९४.१४% - लातूर विभाग – सर्वात कमी ८४.१४%
पुन्हा परीक्षा देणाऱ्या विद्यार्थ्यांपैकी ५०,३४६ विद्यार्थ्यांनी परीक्षा दिली होती, त्यापैकी १८,३४९ विद्यार्थी उत्तीर्ण झाले असून त्यांचा निकाल ३६.४४% इतका आहे. (HSC Result 2026)
विद्यार्थी आपला निकाल या अधिकृत संकेतस्थळांवर पाहू शकतात –
- mahresult.nic.in - mahahsscboard.in
निकाल पाहण्याची प्रक्रिया:
- विद्यार्थ्यांनी वेबसाइटवर जाऊन “HSC Examination March 2026 Result” या लिंकवर क्लिक करावे, - त्यानंतर रोल नंबर आणि आईचे पहिले नाव टाकून निकाल पाहता येईल. - स्क्रीनवर दिसणारी गुणपत्रिका डाउनलोड करून प्रिंट घेता येईल. (HSC Result 2026)
