Thursday, July 25, 2024
Homeताज्या घडामोडीपुण्याच्या भामट्याने चार महिला आमदारांना फसवले

पुण्याच्या भामट्याने चार महिला आमदारांना फसवले

पुणे : पुण्याच्या भामट्याने राज्यातल्या चार महिला आमदारांची फसवणूक करत त्यांच्याकडून पैसे उकळल्याची धक्कादायक घटना समोर आली आहे. याप्रकरणी पुण्यातल्या बिबवेवाडी पोलीस ठाण्यात गुन्हा दाखल करण्यात आला आहे. ऑनलाईन माध्यमातून हे पैशांचे व्यवहार झाल्याची माहिती पोलिसांनी दिली.

आमदार माधुरी मिसाळ, श्वेता महाले, मेघना बोर्डीकर, देवयानी फरांदे या राज्यातील चार महिला आमदारांची फसवणूक झाल्याचा धक्कादायक प्रकार घडला आहे.

पोलिसांनी दिलेल्या माहितीनुसार, आई आजारी होती म्हणून एका अज्ञात व्यक्तीने या महिला आमदारांकडे मदत मागितली होती. मदत म्हणून ती रक्कम ऑनलाइन माध्यमातून देण्यात आली होती. मात्र तो फेक कॉल असल्याचे लक्षात आल्यानंतर आमदारांनी तक्रार दिली होती. त्यानुसार पुण्यातील बिबवेवाडी पोलिस ठाण्यात गुन्हा दाखल करण्यात आला आहे.

मुकेश राठोड असे आरोपीचे नाव आहे. त्याने पुण्यातील आमदार माधुरी मिसाळ यांच्याकडून ४३०० रुपये उकळले होते. गुगल पे च्या माध्यमातून पैसे दिले असल्याची माहिती पोलिसांकडून देण्यात आली आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -