Tuesday, July 23, 2024
Homeताज्या घडामोडीवादग्रस्त पोस्ट प्रकरणी सलमान चिश्तीला अटक

वादग्रस्त पोस्ट प्रकरणी सलमान चिश्तीला अटक

अजमेर : नुपूर शर्माच्या विरोधात वादग्रस्त पोस्ट करणारा अजमेरच्या ख्वाजा गरीब नवाज दर्ग्याचा खादिम सलमान चिश्ती याला पोलिसांनी अटक केली आहे. सोशल मीडियावर चिथावणीखोर आणि वादग्रस्त पोस्ट करून सामाजिक सलोखा बिघडवल्याच्या आरोपाखाली ही अटक करण्यात आली. त्याच्या विरोधात १३ गुन्हे दाखल असल्याची माहिती पोलिसांनी दिली.

आरोपी सलमान चिश्ती याने सोशल मिडीयावर व्हिडीओ अपलोड करून नुपूर यांची हत्या करणाऱ्याला घर देणार असल्याचे त्याने म्हटले होते. पोलिसांनी सलमान चिश्तीची कसून चौकशी सुरू केली असल्याची माहिती अतिरिक्त पोलीस अधीक्षक विकास सांगवान यांनी दिली. सलमान चिश्तीविरोधात १३ गुन्हे दाखल असल्याचेही त्यांनी सांगितले. अजमेर पोलिसांनी चिश्ती विरोधात गुन्ह्याची नोंद केली आहे. पोलिसांनी तपासासाठी तीन पथके तयार केली आहेत.

चिश्तीच्या घरासह त्याच्याशी संबंधित इतर ठिकाणांवर छापेमारी करण्यात आली आहे. चिश्तीकडून सोशल मीडियावर धमकी देणारा व्हिडिओ अपलोड केल्यानंतर एकच खळबळ उडाली होती. पोलिसांनी तातडीने पावले उचलत सलमान चिश्तीला अटक केली. सलमान चिश्तीला त्याच्या घरातून अटक करण्यात आली. अजमेर ख्वाजा गरीब नवाज दर्गामध्ये आरोपी सलमान काम करत होता.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -