गुवाहाटी : शिवसेनेचे बंडखोर आमदार तानाजी सावंत यांनी फेसबुक पोस्ट करत तोडफोड करणाऱ्या शिवसैनिकांना जशास तसे उत्तर देण्याचा इशारा दिला आहे. ‘प्रत्येकाने आपल्या लायकीत रहावे, वेळ आल्यावर जशास तसे उत्तर दिले जाईल’, असे सावंत म्हणाले.
‘आमचे गटनेते मा. श्री. एकनाथजी शिंदे साहेब यांच्या आदेशानुसार आम्ही संयम बाळगून आहोत. एकदा हा राजकीय प्रश्न सुटला की येणाऱ्या काळात जशाच तसे उत्तर दिले जाईल. माझी नम्र विनंती आहे प्रत्येकाने आपल्या औकातीत राहावं.’ अशी फेसबुक पोस्ट सावंतांनी केली आहे.
एकनाथ शिंदेंनी शिवसेनेविरोधात बंड केल्यामुळे शिवसैनिक आक्रमक झाले आहेत. सेनेचे बंडखोर आमदार तानाजी सावंत यांच्या पुण्यातील कार्यालयाची शिवसैनिकांनी तोडफोड करत सावंतांविरोधात घोषणाबाजीही केली.