अलिबाग (वार्ताहार) : माणगाव तालुक्यातील पाणसई इथे पोलीसांनी केलेल्या कारवाईत ८ जिवंत बॉम्ब हस्तगत केले आहेत. पहाटे साडेचारच्या सुमारास करंजवाडी आदिवासी वाडीवर बॉम्बशोधक आणि नाशक पथकाने ही मोठी कारवाई केली.
पाणसई येथील करंजवाडी आदिवासी वाडीवर गावठी बॉम्ब असल्याची खबर पोलीसांना मिळाली होती. त्यानुसार मध्यरात्रीपासूनच या भागात फिल्डींग लावण्यात आली. पहाटे साडेचार वाजता तिथे धाड टाकून ८ जिवंत गावठी बॉम्ब हस्तगत केले. हे बॉम्ब जमिनीत पुरून ठेवण्यात आले होते.
या कारवाईत ब्रुनो नावाच्या श्वानाने महत्वाची कामगिरी बजावली. पोलीस उपनिरीक्षक श्रीकांत म्हात्रे, सहायक पोलीस निरीक्षक जे. जे. भोईर, हेड कॉन्स्टेबल भूपेंद्र देसाई, संतोष राऊत, राहुल पाटील, शैलेश गोतावडे, जितेंद्र सातोडे यांनी या कारवाईत भाग घेतला.
डुक्कर किंवा तत्सम जंगली प्राण्यांची शिकार करण्यासाठी तसेच मासेमारी करण्यासाठी हे बॉम्ब तयार करण्यात आले होते अशी प्राथमिक माहिती हाती लागली आहे. हे आदिवासी स्वतःच असे बॉम्ब तयार करत असल्याचे सूत्रांनी सांगितले. दरम्यान या प्रकरणी पोलीसांनी दोघांना ताब्यात घेतले आहे. बाबुराव दगडू यादव आणि राम यशवंत वाघमारे अशी त्यांची नावे आहेत. माणगाव पोलीस याप्रकरणी अधिक तपास करीत आहेत.
जाळपोळ आणि तोडफोड करत केले आंदोलन नागपूर : जगभरातील बौद्ध अनुयायांसह (Buddhist followers) तमाम भारतीयांचे…
ताह्मिणी घाटातील धक्कादायक प्रकार पुणे : पावसाळा सुरु होताच अनेकजण पर्यटनाचं (Monsoon picnic) आयोजन करतात.…
AI च्या किमयेने कट रचला आणि मैत्रिणीने चुना लावला मुंबई : हल्ली एआय तंत्रज्ञानामुळे (AI…
प्रवाशांनी सावध राहण्याचे पुणे पोलिसांचे आवाहन पुणे : पुण्यातील धक्कादायक प्रकारांचे सत्र सुरुच असून रोज…
म्हणाले, तू सर्व आयसीसी व्हाईट बॉल ट्रॉफी तर जिंकल्यास, पण... मुंबई : भारतीय क्रिकेट संघाने…
नाशिक : नाशिकमध्ये मतमोजणी केंद्रामध्ये मतमोजणी प्रक्रिया थांबवण्यात आली आहे. एकाच मतपेटीत तब्बल ३ मतपत्रिका…