जम्मू : जम्मू-श्रीनगर राष्ट्रीय महामार्गावर चार लेनच्या बोगद्याचे काम सुरु असताना गुरुवारी रात्री या बोगद्याचा भाग कोसळला. यामुळे १० लोक आतमध्ये अडकले होते. यापैकी दोघांना वाचविण्यात यश आले असून ७ ते ८ जण अजूनही ढिगाऱ्या खाली अडकल्याची भीती व्यक्त केली जात आहे.
रामबन जिल्ह्यातील खुनी नाल्यावर ४ लेन बोगद्याचे काम सुरू आहे. या बोगद्याच्या तोंडावरील कामाचे ऑडिट सुरु असताना हा अपघात झाला. पोलिसांनी आणि भारतीय सैन्याने तातडीने रात्रीच्या अंधारातच मदतकार्य सुरु केले. या ढिगाऱ्याखाली ऑडिट करणाऱ्या कंपनीचे कर्मचारी अडकले आहेत. सुमारे ७ ते ८ लोक अद्याप आतमध्ये अडकले आहेत, असे अधिकाऱ्यांनी सांगितले.
बनिहालहून काही ऍम्बुलन्स घटनास्थळी पाठविण्यात आल्या आहेत. घटनेसंदर्भात रामबन जिल्ह्याचे उपायुक्तांनी सांगितले की, मेकरकोट भागात महामार्गाच्या खुनी नाल्यावर बोगद्याचे काम सुरु होते. त्याचा एक भाग कोसळला आहे. सात ते आठ जण ढिगाऱ्याखाली दबले गेले आहेत. ही घटना घडली तेव्हा बोगद्यासमोर बुलडोझर आणि ट्रकसह अनेक मशिन आणि वाहने उभी होती. बोगदा कोसळल्याने त्यांचेही नुकसान झाले आहे. रामबनचे उपायुक्त मसरतुल इस्लाम आणि एसएसपी मोहिता शर्मा बोगद्यात सुरू असलेल्या बचाव कार्यावर लक्ष ठेवून आहेत.
नवी दिल्ली : आज मला एका गंभीर विषयाकडे तुमचे आणि देशवासीयांचे लक्ष वेधायचे आहे. काल…
कागदपत्रांची पुर्तता करण्यासाठी लाभार्थींची कसरत! अर्ज करण्यासाठी आता ३१ ऑगस्टपर्यंत मुदत, दोन अटी केल्या शिथिल…
बार्बाडोस : आदरणीय नरेंद्र मोदी सर, तुमचे शब्द आणि पाठिंबा यासाठी तुमचे खूप खूप आभार.…
जाणून घ्या अर्ज करण्याची पद्धत, वेतन व शैक्षणिक पात्रता मुंबई : तरुणांसाठी भरघोस पगारासह सरकारी…
मुख्यमंत्री एकनाथ शिंदे यांचा विरोधकांना टोला मुंबई : 'विधीमंडळ लोकशाहीचा प्रमुख स्तंभ आहे. या सभागृहाचा…
हाथरस : उत्तर प्रदेशच्या हाथरसमध्ये सत्संगात चेंगराचेंगरी होऊन भीषण दुर्घटना घडली असून यामध्ये १२२ जणांचा…