शिवसेना राष्ट्रवादीची बटीक!

मुंबई : “राज ठाकरे यांचा दौरा स्थगित झाला आहे, रद्द झाला नाही” असे म्हणत भाजपाचे नेते प्रविण दरेकर यांनी शिवसेनेवर जोरदार हल्लाबोल केला आहे. शिवसेनेचा आणि संजय राऊतांचा वापर राष्ट्रवादी प्रवक्ता म्हणून वापर करत असून शिवसेना रसातळाला जात आहे” अशी बोचरी टीका दरेकरांनी केली आहे.

“तुमचा वापर होत आहे, आणि त्यामुळे तुमचे नुकसान होत आहे. राष्ट्रवादीच्या वापरामुळे शिवसेनेची दुर्दशा होत आहे याकडे लक्ष द्या.” असे ते राऊतांना म्हणाले.

“महाविकास आघाडी सरकार बनवत असताना सगळी शिवसेना राष्ट्रवादीची बटीक म्हणून संजय राऊत यांनी ठेवली आहे. त्यातून तुम्हाला काय मिळाले याचा अभ्यास त्यांनी करावा, दुसऱ्यांचे शहाणपण काढण्यापेक्षा आपल्याकडे लक्ष द्या” असे म्हणत दरेकरांनी राऊतांना फटकारले आहे.

राज ठाकरे यांच्या दौऱ्याला उत्तर प्रदेशचे खासदारांनी विरोध केल्याच्या प्रकरणावर बोलताना ते म्हणाले की, ते त्यांचे वैयक्तिक मत होते, काही लोकांनी त्यांना पाठिंबाही दिला पण ही त्यांची अधिकृत भुमिका नव्हती, हा प्रश्न चर्चेने सोडवला जाईल आणि राज ठाकरेंचा दौराही होईल” असे ते म्हणाले.