वॉर्नर-मार्श जोडीचा राजस्थानला धक्का

नवी मुंबई (प्रतिनिधी) : डेव्हिड वॉर्नर आणि मिचेल मार्श या ऑस्ट्रेलियाच्या जोडीने फलंदाजीत अप्रतिम कामगिरी करत बुधवारी राजस्थानविरुद्ध दिल्लीला विजय मिळवून दिला. दिल्लीच्या विजयामुळे ‘प्ले-ऑफ’च्या रेसमधील रंगतही वाढली आहे. प्रत्युत्तरार्थ फलंदाजीला आलेल्या दिल्लीलाही चांगली सुरुवात करता आली नाही. डावाच्या दुसऱ्याच षटकात श्रीकर भरत भोपळाही न फोडता माघारी परतला. बोल्टने त्याचा अडथळा दूर केला. त्यानंतर डेव्हिड वॉर्नर आणि मिचेल मार्श ही ऑस्ट्रेलियाची जोडी दिल्लीसाठी धाऊन आली. या जोडीने १४४ धावांची भागीदारी करत दिल्लीला विजयासमीप आणले. त्यात मार्शने आपले अर्धशतक झळकावले.


शतकाच्या उंबरठ्यावर (८९ धावांवर) असताना धावा आणि चेंडू यातील अंतर कमी करण्याच्या प्रयत्नात मार्शने आपली विकेट गमावली. मात्र त्यानंतर वॉर्नर (नाबाद ५२ धावा) आणि रीषभ पंत या जोडीने दिल्लीच्या विजयावर शिक्कामोर्तब केले. दिल्लीने हा सामना ८ विकेट आणि ११ चेंडू राखून जिंकला.


तत्पूर्वी प्रथम फलंदाजीला आलेल्या राजस्थानला चांगली सुरुवात मिळाली नाही. चांगलाच फॉर्मात असलेला जोस बटलर स्वस्तात माघारी परतला. सकारीयाने शार्दुलकरवी झेलबाद करत बटलरच्या रुपाने दिल्लीला मोठा बळी मिळवून दिला. बटलरला अवघ्या ७ धावा करता आल्या. त्यानंतर संयमी खेळत असलेल्या यशस्वी जयस्वालचीही एकाग्रता नाहीशी झाली. जयस्वालने १९ चेंडूंत १९ धावांचे योगदान दिले. मार्शने जयस्वालचा अडथळा दूर केला. त्यामुळे ५२ धावांवर त्यांचे २ तगडे फलंदाज तंबूत परतले होते.


रवीचंद्रन अश्वीन आणि देवदत्त पडीक्कल या जोडीने फलंदाजीची सूत्रे हाती घेत संघाला सन्मानजनक धावसंख्या उभारून दिली. अश्वीनने ३८ चेंडूंत ५० धावा ठोकल्या, तर पडीक्कलने ३० चेंडूंत ४८ धावा चोपल्या. त्यामुळे २० षटकांअखेर राजस्थानला ६ फलंदाजांच्या बदल्यात १६० धावांपर्यंत मजल मारता आली. दिल्लीच्या चेतन सकारीयाने राजस्थानविरुद्ध प्रभावित केले. त्याने ४ षटकांत अवघ्या २३ धावा देत २ बळी मिळवले.

Comments
Add Comment

मला चिंता नाही, सूर्यकुमार यादवच्या खराब फॉर्मवर प्रशिक्षक गौतम गंभीरचा पूर्ण पाठिंबा!

मुंबई: भारत आणि ऑस्ट्रेलिया यांच्यातील आगामी टी-२० मालिकेपूर्वी टीम इंडियाचे मुख्य

भारत-ऑस्ट्रेलिया महिला वर्ल्डकप उपांत्य सामना पावसामुळे रद्द झाल्यास काय होईल? वाचा नियम

मुंबई : महिला वनडे वर्ल्डकप २०२५ आता अंतिम टप्प्यात पोहोचला असून, क्रिकेट चाहत्यांना उपांत्य फेरीतील रोमांचक

भारताला मोठा धक्का! प्रतीका रावल दुखापतीमुळे विश्वचषक उपांत्य फेरीतून बाहेर

मुंबई : भारतीय महिला क्रिकेट संघाला मोठा धक्का बसला आहे. सलामीवीर प्रतीका रावल हिला झालेल्या दुखापतीमुळे ती

वर्ल्ड टेस्ट चॅम्पियनशिप मालिका, भारत-आफ्रिका आमनेसामने; दक्षिण आफ्रिकेचा संघ जाहीर

मुंबई : ऑस्ट्रेलिया मालिकेचं आव्हान संपण्याआधीच टीम इंडिया आता दक्षिण आफ्रिकेविरुद्ध कसोटी मालिकेची तयारी करत

ICC Womens World Cup 2025 : थरार निश्चित! ICC महिला विश्वचषक उपांत्य फेरीसाठी ४ 'बलाढ्य' संघ फिक्स; फायनलमध्ये जाण्यासाठी टीम इंडियाचा सामना कुणासोबत?

नवी मुंबई : आयसीसी वनडे वुमन्स वर्ल्ड कप २०२५ (ICC Women's ODI World Cup 2025) स्पर्धेतील साखळी फेरीचा थरार आता संपला आहे. साखळी

Shreyas Iyer : श्रेयस अय्यर ICU मध्ये दाखल; डॉक्टरांनी सांगितले अंतर्गत रक्तस्रावाचे कारण!

सिडनी : भारतीय वनडे क्रिकेट संघाचा (Indian ODI Team) उपकर्णधार (Vice-Captain) श्रेयस अय्यर (Shreyas Iyer) याच्या तब्येतीबाबत एक मोठी बातमी