Monday, July 22, 2024
Homeताज्या घडामोडीभंडारा : दोन चिमुकल्यांसह मातेचे विषप्राशन, मुलगा दगावला

भंडारा : दोन चिमुकल्यांसह मातेचे विषप्राशन, मुलगा दगावला

भंडारा- भंडारा जिल्ह्याच्या ठाणा गावात एका ३५ वर्षीय आईनेच आपल्या पोटच्या मुला मुलींसह स्वतः विष प्राशन करून आत्महत्या करण्याचा प्रयत्न केला. यात १४ महिन्याच्या कार्तिक शहारे या चिमुकल्याचा मृत्यू झाला आहे. तर ५ वर्षीय विधी आणि ३५ वर्षीय वंदना यांच्यावर नागपुरातील वैद्यकीय महाविद्ययात उपचार सुरु आहेत.

ठाणा गावातील ज्ञानेश्वर शहारे आणि त्यांची पत्नी वंदना शहारे हे १३ डिसेंबरला संध्याकाळी बाजारातून घरी परत आले. कुटूंबियांनी रात्री जेवण केल्यावर वंदना डोके दुखत असल्याचे कारण सांगत घराशेजारी असलेल्या मेडिकलमध्ये औषध घेण्यासाठी गेली आणि मेडिकलमधून तांदळामध्ये टाकण्याचे औषध घेऊन आली. वंदनाने आपल्या १४ महिन्यांच्या मुलाला आणि ५ वर्षाच्या मुलीला हे औषध पाजले आणि स्वतःही प्राशन करीत झोपण्यासाठी गेली असता मध्यरात्री अचानक मुलामुलींना उलट्या आणि मळमळ होत असल्याने हा प्रकार उघडकीस आला.

तिघांना उपचाराकरिता जिल्हा सामान्य रुग्णालयात दखल करण्यात आले होते. १४ महिन्याचा कार्तिक याचा उपचारा दरम्यान मृत्यू झाला तर ५ वर्षीय मुलगी आणि ३५ वर्षीय वंदना हिला पुढील उपचाराकरिता नागपूर येथे हलविण्यात आले आहे. दोघांवर उपचार सुरु आहेत. मात्र वंदनाने मुलांसह आत्महत्येचे पाऊल का उचलले हे मात्र कळू शकले नसून जवाहर नगर पोलिस या घटनेचा तपास करीत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -