मिनीट्रेनच्या प्रवासी सेवेसाठी भाजप आग्रही

नेरळ : नेरळ-माथेरान-नेरळ मिनीट्रेनची प्रवासी सेवा सुरू करावी आणि नेरळ येथून माथेरानसाठी मालवाहू सेवा सुरू करण्याच्या मागणीसाठी माथेरान भारतीय जनता पक्षाच्या (भाजप) शिष्टमंडळाने आज रेल्वेमंत्र्यांची भेट घेऊन मागणी केली. तसेच भाजप आमदारांकडून कर्जत-पनवेल रेल्वे मार्गावर शटल सेवा सुरू करण्याची मागणी रेल्वेमंत्री अश्विनी वैष्णव यांच्याकडे करण्यात आली. दरम्यान, वैष्णव यांनी या तिन्ही मागण्यांवर रेल्वे मंत्रालय सकारात्मक असल्याचे आश्वासन दिले.



२०१९ मधील मुसळधार पावसानंतर नेरळ-माथेरान रेल्वे वाहतूक बंद आहे. त्यामुळे माथेरानच्या पर्यटनाला फटका बसला असल्याने त्याकडे रेल्वे मंत्र्यांनी लक्ष द्यावे, याबाबत माथेरानच्या नगरसेवकांचे शिष्टमंडळ बुधवारी नवी दिल्लीत पोहचले होते. भाजप राज्यसभा सदस्य विनय सहस्त्रबुद्धे यांच्या नेतृत्वाखाली आमदार निरंजन डावखरे, प्रशांत ठाकूर, महेश बालदी यांनी माथेरानचे उपनगराध्यक्ष आकाश चौधरी, शहरअध्यक्ष आकाश चौधरी यांनी रेल्वेमंत्री अश्विनी वैष्णव यांची भेट घेतली.



यावेळी माथेरानच्या भाजप पदाधिकारी यांनी मिनीट्रेनचे माथेरानच्या पर्यटन वाढीसाठी किती महत्त्व आहे, हे रेल्वेमंत्री यांना पटवून दिले. त्याचवेळी मिनीट्रेन आणि माथेरानचे पर्यटन हे समीकरण असल्याने भाजपच्या शिष्टमंडळाने रेल्वेमंत्री यांच्या लक्षात आणून दिले. त्यामुळे नेरळ-माथेरान-नेरळ ही प्रवासी सेवा सुरू करावी, अशी मागणी करण्यात आली. त्यावेळी रेल्वेमंत्र्यांनी संबंधित मार्गाची लवकरात लवकर सुरक्षा तपासणी पूर्ण करण्याचे आदेश अधिकाऱ्यांना दिले.


भविष्यात नेरळ-माथेरान दरम्यान मालवाहतुकीची ट्रेन सुरू करणे, अमन लॉज ते माथेरान दरम्यान सध्या धावणाऱ्या तीन डब्यांच्या ट्रेनऐवजी आठ डब्यांची ट्रेन सुरू करण्याबाबत पाहणी करून तातडीने निर्णय घेण्याचे आदेशही रेल्वेमंत्री वैष्णव यांनी अधिकाऱ्यांना दिले. यावेळी भाजपचे रायगड जिल्ह्यातील युवानेते किरण ठाकरे, माथेरानचे नगरसेवक राकेश चौधरी, संदीप कदम तसेच भाजप पदाधिकारी संजय भोसले उपस्थित होते.



कर्जत-पनवेल मार्गावर शटलसेवा?



कर्जत व पनवेल तालुक्याच्या ग्रामीण भागात विकासासाठी महत्त्वपूर्ण असलेल्या कर्जत-पनवेल रेल्वे स्थानकादरम्यान शटल रेल्वे सुरू करण्यासाठी भाजपने पहिले पाऊल टाकले आहे. कोकण पदवीधर मतदारसंघातील भाजपचे आमदार निरंजन डावखरे तसेच आमदार प्रशांत ठाकूर आणि आमदार महेश बालदी यांच्या मागणीनंतर रेल्वेमंत्री अश्विनी वैष्णव यांनी शटल सेवेसाठी सर्वेक्षण करण्याचे निर्देश दिले आहेत. त्याचबरोबर अडीच वर्षांपासून बंद असलेल्या नेरळ-माथेरान रेल्वे सेवा सुरू करण्याबाबत सुरक्षाविषयक पाहणीही तातडीने करण्याचे निर्देश दिले आहेत.



कर्जत-पनवेल रेल्वे मार्गावरून सध्या लांब पल्ल्याच्या गाड्या धावतात. मात्र, शटल वा लोकल सेवा नसल्यामुळे स्थानिक ग्रामस्थ व चाकरमान्यांना प्रवासात अडचणी येत होत्या. त्याचबरोबर या भागाच्या विकासालाही मर्यादा आल्या आहेत. या प्रश्नावर आमदार निरंजन डावखरे, आमदार प्रशांत पाटील आणि आमदार महेश बालदी यांनी रेल्वे मंत्रालयाकडे प्रयत्न सुरू केले आहेत.

Comments
Add Comment

रिद्धपूर येथे जागतिक कीर्तीचे विद्यापीठ साकारणार: फडणवीस

नाशिक : रिद्धपूर या तीर्थक्षेत्राने मराठी भाषा जीवंत ठेवण्याचे काम केले असून तेथे मराठी भाषा विद्यापीठ स्थापन

मुख्यमंत्री फडणवीस यांच्या व्यासपीठावर मनोज जरांगे येणार का?

सोलापूर : सोलापूर जिल्ह्यातील मंगळवेढा येथे उभारण्यात आलेल्या छत्रपती शिवाजी महाराजांच्या अश्वारूढ पुतळ्याचे

Sanjay Shirsat : संजय शिरसाटांच्या मनात नेमकं चाललंय काय? निवृत्ती की राजकीय खेळी?

शिंदे गटाच्या आमदाराच्या निर्णयामागे कुटुंबातील 'नवे नेतृत्व' आणण्याची खेळी? मुंबई : राज्याचे समाजकल्याण

मंत्री नितीन गडकरी यांच्यासमोर दोन महिला अधिकाऱ्यांमध्ये खुर्चीवरून भांडण! नागपूरचे पोस्टमास्टर जनरलपद नेमके कुणाकडे?

एकीने दुसरीच्या अंगावर पाणी ओतलं, चिमटाही काढला नागपूर : नागपूरमध्ये केंद्रीय मंत्री नितीन गडकरी यांच्या

फलटणच्या महिला डॉक्टर आत्महत्या प्रकरणाला नवं वळण, प्रशांतच्या बहिणीचा मोठा खुलासा

सातारा : साताऱ्यातील फलटण येथे महिला डॉक्टरने आत्महत्या केल्याच्या प्रकरणाला आता धक्कादायक वळण मिळालं आहे. या

फलटणमध्ये महिला डॉक्टरची आत्महत्या, निलंबित PSI बदनेचा शोध सुरू

सातारा : सातारा जिल्हातील फलटण मधील डॉक्टर तरुणीच्या आत्महत्येनंतर पोलिसांना २४ तासांच्या आत आरोपी प्रशांत