मुंबई (प्रतिनिधी) : मुंबईतील राजभवन येथे पार पडलेल्या दिमाखदार सोहळयात राज्यपाल भगतसिंह कोश्यारी यांच्या हस्ते ज्येष्ठ पत्रकार, सूत्रसंचालक संजय भुस्कुटे यांना ‘एन्जेल कम्युनिकेटर’ या पुरस्काराने सन्मानित करण्यात आले. कोविड कालावधीत पर्यावरणविषयक जनजागृतीत व रायगड जिल्ह्याच्या पेण तालुक्यातील आदिवासी वाड्यांवर केलेल्या समाजोपयोगी कामाबद्दल संजय भुस्कुटे यांना सन्मानित करण्यात आले.
पब्लिक रिलेशन कौन्सिल ऑफ इंडिया संस्थेतर्फे हा पुरस्कार देण्यात आला. कोविड साथीमुळे गेले दीड वर्षे सर्वसामान्यांचे जीवन विस्कळीत झाले होते; परंतु या महामारीत विविध क्षेत्रांतील काही लोकांनी समाजसेवेच्या माध्यमांतून आपले काम सुरू ठेवले होते. पब्लिक रिलेशन कौन्सिल ऑफ इंडिया या राष्ट्रीय स्तरावर काम करणाऱ्या संस्थेने ‘एन्जेल कम्युनिकेटर’ पुरस्कार प्रदान करून अशा काही मान्यवरांचा सन्मान केला.
या वेळी नर्गिस दत्त फांऊडेशनच्या अध्यक्ष व माजी खासदार प्रिया दत्त, मुंबईचे पालकमंत्री अस्लम शेख, मध्य रेल्वेचे मुख्य जनसंपर्क अधिकारी शिवाजी सुतार, पश्चिम रेल्वेचे मुख्य जनसंपर्क अधिकारी सुमीत ठाकूर, टाटा हॉस्पिटलचे कर्करोग तज्ज्ञ डॉ. सुदीप गुप्ता व डॉ. शैलेश श्रीखंडे या मान्यवरांना देखील सन्मानित करण्यात आले. संजय भुस्कुटे यांना यापूर्वी मटा सन्मान, सह्याद्री लक्स माणिक ॲवार्ड, रायगड भूषण, पत्रकारिता क्षेत्रातील रॅपा ॲवार्ड अशा विविध पुरस्कारांनी सन्मानित करण्यात आले आहे.
चेन्नई: इंडियन प्रीमियर लीग २०२५च्या ४३व्या सामन्यात आज सनरायजर्स हैदराबादने चेन्नई सुपर किंग्सला ५ विकेट्स…
पंचांग आज मिती चैत्र कृष्ण त्रयोदशी ८.३० पर्यंत नंतर चतुर्दशी शके १९४७. चंद्र नक्षत्र उत्तराभाद्रपदा…
पावसाळा आता जेमतेम सव्वा महिन्यावर आलेला आहे. पावसाळी हंगामास दरवर्षी कागदोपत्री १ जूनला सुरुवात होत…
मराठवाडा वार्तापत्र: अभयकुमार दांडगे उन्हाची तीव्रता दिवसेंदिवस वाढत आहे. त्याच तुलनेत मराठवाड्यात तहानलेल्या गावांच्या संख्येतही…
रवींद्र तांबे ग्रामीण भागाचा विचार करता अजूनही पुरेशा मूलभूत सोयी नसल्याने नागरिक मुलांना घेऊन शहराकडे…
मुंबई: पहलगाम येथे नुकत्याच झालेल्या दुर्घटनेनंतर जखमी व त्यांच्या कुटुंबियांसाठी मुंबई महानगरपालिकेच्या टोपीवाला नॅशनल मेडिकल…