शारजा : टी-ट्वेन्टी वर्ल्डकपच्या सुपर-१२ फेरीमध्ये संडे स्पेशल (२४ ऑक्टोबर) दुसऱ्या लढतीत बांगलादेशची गाठ श्रीलंकेशी पडेल. पहिल्या फेरीचा अडथळा मुख्य ड्रॉमध्ये खेळत असलेल्या दोन्ही संघांसमोर सातत्य राखण्याचे मोठे आव्हान आहे.
पहिल्या फेरीत तिन्ही सामने जिंकून श्रीलंकेने सुपर १२ फेरीत दिमाखात प्रवेश केला. बांगलादेशला दोन सामने जिंकता आले. त्यामुळे त्यांना त्यांच्या गटात दुसऱ्या स्थानावर समाधान मानावे लागले. मात्र, स्कॉटलंडविरुद्धच्या अपयशी सलामीनंतर पुढील दोन्ही सामने जिंकत बांगलादेशने दमदार कमबॅक केले.
उभय संघांची टी-ट्वेन्टी प्रकारातील मागील पाच सामन्यांतील कामगिरी पाहता बांगलादेशकडे ३-२ अशी आघाडी आहे. त्यात मागील दोन विजयांचा समावेश आहे. बांगलादेश सलग तिसरा विजय नोंदवतो की, श्रीलंका त्यांना विजयापासून रोखतो, याची उत्सुकता आहे.