स्कॉटलंडचा सलग दुसरा विजय

अल-अमिरात (वृत्तसंस्था): पापुआ न्यू गिनी संघावर (पीएनजी) १७ धावांनी मात करत स्कॉटलंडने टी-ट्वेन्टी वर्ल्डकपसलग दुसरा विजय नोंदवला. तसेच चार गुणांसह पहिल्या फेरीत (ब गट गुणतालिकेत अव्वल स्थान पटकावले.


स्कॉटलंडचे १६५ धावांचे आव्हान पीएनजी संघाला पेलवले नाही. त्यांचा डाव १९.३ षटकांत १४८ धावांवर आटोपला. पापुआ न्यू गिनीला सुरुवातीलाच दोन धक्के बसले. त्यांचे टॉनी उरा, लेगा सायका, अस्साद वाला, चार्ल्स अमिनी आणि सिमॉन अटई स्वस्तात बाद झाले. त्यामुळे ६ बाद ६७ धावा अशी त्यांची अवस्था झाली. सेसे बाऊ (२४ धावा)आणि नॉर्मन वानुआने चांगली खेळी केली. मात्र विजय मिळवून देण्यात अपयश आले. नॉर्मन वानुआ ४७ धावा करून बाद झाला. तिथेच पीएनजीचा पराभव निश्चित झाला. स्कॉटलंडकडून मध्यमगती गोलंदाज जोशुआ डॅवीने ४ विकेट घेत विजयात मोलाचे योगदान दिले.


त्याआधी, स्कॉटलंडने प्रथम फलंदाजी करताना ९ बाद १६५ धावा केल्या. त्याचे क्रेडिट रिची बेरिंगटनला जाते. त्याने ४९ चेंडूंत ७० धावांचे सर्वाधिक योगदान दिले. जॉर्ज मुनसी (१५) आणि काइल कोएत्झर (६) ही सलामी जोडी अपयशी ठरल्यानंतर मॅथ्यू क्रॉस आणि रिची बेरिंगटन यांनी तिसऱ्या विकेटसाठी ९२ धावांची भागीदारी करत संघाला मोठी धावसंख्या उभारून देण्यात मोलाचा वाटा उचलला. मॅथ्यू क्रॉसने ४५ धावा तर रिची बेरिंगटनने ७० धावांची खेळी केली. त्यानंतर मैदानात आलेले फलंदाज चांगली कामगिरी करू शकले नाही. एका पाठोपाठ एक करत बाद झाले. कलुम मॅकलेड (१०), मायकल लीक्स (९), ख्रिस ग्रीव्ह (२), मार्क वॅट (०), जोश डॅवे (०) अशी धावसंख्या करून बाद झाले. पापुआ न्यू गिनीकडून कॅबुओ मोरियाने सर्वाधिक ४ विकेट घेतल्या.



स्कॉटिश मुख्य फेरीच्या दिशेने


स्कॉटलंडचा संघ पात्रता फेरीतील ब गटात दोन विजयांसह अव्वल स्थानी आहे. स्कॉटलंडच्या खात्यात आता ४ गुण असून धावगती +०.५७५ इतकी आहे. स्कॉटलंडचा गटातील तिसरा आणि अंतिम सामना ओमानविरुद्ध आहे.


Comments
Add Comment

राष्ट्रध्वजाचा अपमान टाळण्यासाठी विराट कोहलीने केलेल्या कृतीचे अनेकांनी केले कौतुक

सिडनी : रोहित शर्मा आणि विराट कोहली यांच्या जबरदस्त बॅटिंग भारतानं ऑस्ट्रेलिया विरुद्धच्या तिसऱ्या सामन्यात

ऑस्ट्रेलियात पॅरा बॅडमिंटनमध्ये भारताला ११ पदके

नवी दिल्ली : ऑस्ट्रेलिया पॅरा बॅडमिंटन इंटरनॅशनल २०२५ मध्ये भारतीय पॅरा-बॅडमिंटन खेळाडूंनी शानदार कामगिरी करत

उपांत्य फेरीत भारतीय संघ खेळणार 'या' संघाविरूद्ध!

मुंबई: महिला एकदिवसीय विश्वचषक २०२५ अखेरच्या टप्प्यात येऊन पोहोचला असून उपांत्य फेरीची उत्सुकता क्रिकेट

'रो-को'ने ऑस्ट्रेलियाचा विजयरथ रोखला, रोहितचे शतक आणि विराटचे अर्धशतक; 'रो-को'ची ऐतिहासिक कामगिरी

सिडनी : भारत आणि ऑस्ट्रेलिया यांच्यात सिडनीच्या मैदानावर रंगलेला एकदिवसीय सामना भारताने नऊ गडी राखून जिंकला.

“विकसित भारत चॅलेंज ट्रॅक” मुंबईत युवा महोत्सव २७ ऑक्टोबरला

मुंबई : युवकांचा सर्वांगीण विकास, भारतीय संस्कृती आणि परंपरेचे जतन, सुप्त गुणांना प्रोत्साहन तसेच राष्ट्रीय

तिसऱ्या युथ आशियाई क्रीडा स्पर्धेत भारताला सुवर्ण

मुंबई : बहरीनमधील मनामा येथे आशियाई युवा क्रीडा स्पर्धा २०२५ मध्ये भारताने कबड्डीमध्ये पूर्ण विजय मिळवत सुवर्ण