शेअर मार्केटमधील या धोक्यांपासून आधीच सावध राहा!

शेअर बाजार नेहमी स्थिर नसतो. कधी अचानक तेजी तर कधी घसरण होते. अशा परिस्थितीत घाईघाईने विक्री करू नका; संयम ठेवा.

घाबरून किंवा लोभापोटी निर्णय घेणं टाळा. बातम्या, सोशल मीडिया किंवा इतर गुंतवणूकदारांवर अंधविश्वास ठेवू नका.

कंपनीचा अभ्यास न करता केवळ "टिप्स" वर आधारित गुंतवणूक करू नका. कंपनीची आर्थिक स्थिती, नेतृत्व, व्यवसाय मॉडेल यांचा अभ्यास करा.

सगळी गुंतवणूक एका शेअर किंवा सेक्टरमध्ये करू नका. विविध क्षेत्रांमध्ये गुंतवणूक केल्यास धोका कमी होतो.

"Buy Low, Sell High" हे ऐकायला सोप्पं आहे, पण अमलात आणायला नीट विचार करावा लागतो. तुम्ही 'Day Trading', 'Long-Term Investing', की 'Swing Trading' करताय याचा निर्णय घ्या आणि त्यानुसार शिस्त पाळा.

उधार घेतलेली रक्कम वापरून ट्रेडिंग करताना मोठं नुकसान होऊ शकतं. समजूतदारपणे आणि मर्यादित प्रमाणातच असे पैसे वापरा.

काही वेळा काही लोक शेअर कृत्रिमपणे वाढवतात आणि नंतर विकतात, ज्यामुळे इतर गुंतवणूकदार तोट्यात जातात. अशा स्कीम्सपासून दूर राहा.

कमी वेळात मोठा नफा मिळवण्याच्या नादात अनेकजण चुकीचे निर्णय घेतात. थोडा-थोडा नफा नियमित घेणं हेच सुरक्षित आणि शाश्वत धोरण आहे.

– स्वत:चा अभ्यास करा – दीर्घकालीन दृष्टीकोन ठेवा. – शिस्तबद्ध पद्धतीने गुंतवणूक करा (SIP सारख्या पद्धती वापरा). – सल्लागाराचा सल्ला घ्या  – विशेषतः मोठी गुंतवणूक करताना.