पुणे: मुलीसोबत पळून जाऊन लग्न केले म्हणून संबधित तरुणाच्या बहिणींना लोखंडी रॉडने मारहाण तसेच विवस्त्र करुन व्हिडिओ तयार केल्याची घटना घडली आहे. या बहिणींना ही व्हिडिओ क्लिप समाजमाध्यमांवर प्रसारित केल्याचा आरोप तक्रारदार महिलेने केला आहे.
या प्रकरणी पीडीत तरुणींपैकी एकीने सात जणांच्या विरोधात लोणी काळभोर पोलिसांनी गुन्हा दाखल केला आहे. या प्रकरणी आरोपी नंदकुमार माटे, सुंदराबाई माटे, आरती पिंपळे, बाळासाहेब पिंपळे, सागर जगताप, श्रीराम गोसावी यांच्या विरोधात गुन्हा दाखल करण्यात आला आहे. हे सर्व आरोपी पुणे-सोलापूर रस्त्याजवळ उरळी कांचन येथे घडली आहे. यापैकी एका तरुणीचे वय २४ वर्षे आहे. या दोन्ही बहिणींचे अपहरण करुन त्यांना विवस्त्र करुन खोलीत डांबून ठेवण्यात आले. त्यानंतर मोबाइल कॅमेऱ्याद्वारे त्याचे चित्रीकरण करुन ही व्हिडिओ क्लिप समाजमाध्यमावर प्रसारित केली. त्यानंतर हे प्रकरण उघडकीस आले.
पळून जाऊन लग्न केलेले जोडपे आणि आरोपी नातेवाईक आहेत. आरोपी नंदकुमार माटे यांना त्यांच्या नात्यातील तरुणीला तक्रारदार महिलेच्या भावाने पळवून नेल्याचा संशय होता. याच रागातून त्यांनी हे कृत्य केल्याचा आरोप करण्यात आला आहे. या प्रकरणी गुन्हे शाखेचे पोलीस निरीक्षक काळे पुढील तपास करत आहेत.