श्रीनगर (हिं.स.) : जम्मू-काश्मिरातील बांदीपोरा येथे झालेल्या दहशतवादी हल्ल्यात आज, शुक्रवारी जम्मू-काश्मीर पोलिसांचे दोन जवान शहीद झालेत. मोहम्मद सुल्तान आणि फैय्याज अहमद अशी या जवानांची नावे आहेत. तर आणखी दोन जवान या हल्ल्यात जखमी झाल्याची माहिती पोलिसांनी दिली.
यासंदर्भातील माहितीनुसार, बांदीपोरा येथील गुलशन चौक परिसरात आज, शुक्रवारी जिहादी दहशतवाद्यांनी पोलिसांवर हल्ला चढवला. यात चार जवान जखमी झालेत. जखमी जवानांना तत्काळ रुग्णालयात नेण्यात आले. यावेळी सुल्तान आणि फैय्याज अहमद यांना डॉक्टरांनी मृत घोषित केले. तर इतर दोन जवानांवर उपचार सुरू आहेत. या हल्ल्यानंतर सुरक्षा दलांनी या संपूर्ण परिसराला वेढा घातला असून दहशतवाद्यांचा शोध सुरू करण्यात आला आहे. दरम्यान माजी मुख्यमंत्री उमर अब्दुल्ला यांनी ट्वीट करत या हल्ल्याची निंदा केली. तसेच शहीद पोलिसांना श्रद्धांजली अर्पण केली.
यापूर्वी सुरक्षा दलांनी गेल्या ८ डिसेंबर रोजी शोपियान जिल्ह्यात झालेल्या चकमकीत ३ दहशतवाद्यांना कंठस्नान घातले. शोपियानच्या चक-ए-चोला गावात दहशतवादी लपल्याची माहिती जवानांना मिळाली होती. त्यानंतर सुरक्षा दलाने शोध मोहिम हाती घेतली. यावेळी दहशतवाद्यांनी गोळीबार सुरू केला. तर जवानांनी प्रत्युत्तरात केलेल्या गोळीबारात आमिर हुसैन, रईस अहमद आणि हसीब युसूफ हे तीन दहशतवादी ठार झाले होते.
कार्यक्षमतेवर प्रश्न उपस्थित झाल्याने पुणे पोलीस आयुक्तांचं पत्रकार परिषद घेत स्पष्टीकरण अपघातातील पोर्शे कार विनानोंदणी…
मुंबई : दहावीच्या विद्यार्थ्यांसाठी एक महत्त्वाची माहिती समोर आली आहे. आजपर्यंत अतिरिक्त गुण मिळत असलेले…
मुंबई विभागाने मात्र गाठला तळ मुंबई : गेल्या अनेक दिवसांपासून बारावीचे विद्यार्थी ज्याची वाट पाहत…
जाणून घ्या सध्याचे दर काय? नवी दिल्ली : गेल्या महिन्यात सोन्याने विक्रमी पातळी गाठली होती.…
रस्त्यावर आढळली फ्लेमिंगोची पिसे आणि सांगाडे; मृत्यूचं कारण मात्र अस्पष्ट मुंबई : मानवाने केलेल्या पर्यारणाच्या…
कार्यक्रमात दिसणार संस्कृतीची झलक; तब्बल २५ हजार महिलांचा समावेश लखनऊ : लोकसभा निवडणुकीच्या (Loksabha Election…