मुंबई : रणबीर कपूरची मुख्य भूमिका असलेल्या आणि अत्यंत बहुप्रतिक्षित अशा 'रामायण: पार्ट १' ( Ramayana Movie) या पौराणिक चित्रपटाबद्दल प्रेक्षकांमध्ये प्रचंड उत्सुकता आहे. नितेश तिवारी दिग्दर्शित आणि नमित मल्होत्रा निर्मित या भव्य बजेटच्या चित्रपटाच्या ट्रेलरला 'सेंट्रल बोर्ड ऑफ फिल्म सर्टिफिकेशन'ची (CBFC) मंजुरी मिळाली आहे. आता हा ट्रेलर २४ जुलै २०२६ रोजी प्रदर्शित होणार आहे. ( Ramayana Part 1)
अभिनेत्री शहनाज गिल आणि अभिनेता-डान्सर राघव जुयाल यांच्या नात्याबाबत गेल्या काही वर्षांपासून चर्चा सुरू आहेत. २०२३ मध्ये 'किसी का भाई किसी की जान' ...
CBFC ने या ट्रेलरला 'U' प्रमाणपत्र दिले आहे. बोर्डाच्या संकेतस्थळावर दिलेल्या माहितीनुसार, ट्रेलरची एक आवृत्ती ४ मिनिटे १५ सेकंद तर दुसरी आवृत्ती ४ मिनिटांची आहे. दोन्ही नोंदी 'रामायण ३डी' (Ramayana 3D) या नावाने सूचीबद्ध आहेत. डिजिटल माध्यमावर आणि चित्रपटगृहांमध्ये यापैकी कोणती आवृत्ती प्रदर्शित केली जाईल, हे पाहणे रंजक ठरेल. सामान्य चित्रपटांच्या ट्रेलरच्या तुलनेत याचा कालावधी अधिक असल्याने प्रेक्षकांची उत्सुकता आणखी वाढली आहे. ( Namit Malhotra)
Lock Upp 2 :'लॉक अप २'मध्ये अभिनेत्री शिल्पा शिंदेच्या वक्तव्यामुळे नवा वाद निर्माण झाला आहे. शोदरम्यान शिल्पा शिंदे आणि सोशल मीडिया इन्फ्लुएंसर श्रेया ...
या चित्रपटाचा पहिला टीझर गेल्या वर्षी ३ जुलै रोजी प्रदर्शित झाला होता, तर दुसरा टीझर या वर्षी हनुमान जयंतीच्या निमित्ताने प्रदर्शित करण्यात आला; यात भगवान श्री रामाच्या भूमिकेतील रणबीर कपूरची पहिली झलक पाहायला मिळाली. आता प्रेक्षक ट्रेलरची आतुरतेने वाट पाहत आहेत, ज्यामध्ये चित्रपटाची कथा आणि त्याची भव्यता सविस्तरपणे पाहायला मिळण्याची अपेक्षा आहे. ( Bollywood News)
दिवाळी २०२६ मध्ये प्रदर्शित होणाऱ्या 'रामायण: पार्ट १' मध्ये रणबीर कपूरसोबतच साई पल्लवी, यश, सनी देओल, रवी दुबे आणि अरुण गोविल हे कलाकार महत्त्वपूर्ण भूमिकांमध्ये दिसणार आहेत. अत्यंत भव्य स्तरावर साकारला जात असलेला हा चित्रपट भारतीय चित्रपटसृष्टीतील सर्वात महत्त्वाकांक्षी प्रकल्पांपैकी एक मानला जात आहे. ( Entertainment News)
