अंबरनाथ : भाजपचे कार्यकर्ते सत्यम तेलंगे यांच्यावर कोयत्याने हल्ल केल्याची धक्कादायक घटना अंबरनाथमध्ये बुधवारकाळी घडली. शिवसेना (शिंदे गट)च्या कार्यकर्त्याने हा हल्ला केला असल्याचे कळते. या प्रकरणी अंबरनाथ पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, तेलंगे यांच्यावर शिवसेना कार्यकर्ते साहिल वडनेरे याने कोयत्याने हल्ला केला. ही घटना पश्चिम येथील एम्पायर होम सोसायटी येथे घडली. साहिलने त्यांना फोन करून खाली बोलावले आणि शैलेश भोईर, विनोद भोईर, समीर मगर, जयेश मगर व अमन सोनकांबळे यांच्याविरोधात काही बोलायचे नाही. तुला मारून टाकू, अशी धमकी दिली. तेलंगे यांच्या मानेवर कोयत्याने वार करण्याचा प्रयत्न केला. तेलंगे यांचे मनगट, तळहात, अंगठा व पाठीवर वार करून गंभीर जखमी केले. इमारतीचे सुरक्षारक्षक अनिल यांनाही धमकी दिली. त्यानंतर साहिल आणि त्याचे दोन साथीदार फरार झाले आहेत.
