१२ प्रांतातील ३६ लाख नागरिकांना फटका
नवी दिल्ली :थायलंडमध्ये आलेल्या भीषण पुरामुळे मोठ्या प्रमाणात जीवित व वित्तहानी झाली आहे. द मृतांचा आकडा १४५ वर पोहोचला आहे. पुरामुळे प्रचंड नुकसान झाले आहे. अधिकाऱ्यांनी म्हटले की, पुराचे पाणी कमी होत असताना, विनाशाचे भयानक दृश्ये समोर येत आहेत. थायलंडच्याक्षिण थायलंडमध्ये आपत्ती निवारण व व्यवस्थापन विभागाने सांगितले की, मुसळधार पावसामुळे दक्षिणेकडील १२ प्रांतांमध्ये पूर आला आहे, ज्यामुळे १२ लाखांहून अधिक कुटुंबे व ३६ लाख लोक प्रभावित झाले आहेत.
बँकॉकमध्ये पत्रकार परिषदेत सरकारी प्रवक्ते सिरिपोंग अंगकासाकुल्कियात म्हणाले की, पुरामुळे आठ प्रांतांमध्ये १४५ जणांचा मृत्यू झाला आहे. सोंगखला प्रांताला सर्वाधिक फटका बसला आहे, ज्यामध्ये ११० हून अधिक जणांचा मृत्यू झाल्याची पुष्टी झाली आहे. पुराचे पाणी कमी होत असताना सोंगखला प्रांतातील मृतांची संख्या झपाट्याने वाढली आहे.
दक्षिण थायलंडमधील सर्वात मोठे शहर असलेल्या हात याईमध्ये सर्वाधिक मृतदेह सापडले. आपत्ती विभागाने शुक्रवारी सकाळी वृत्त दिले की, बहुतेक बाधित भागात पाणी कमी झाले आहे.
