मुंबई : भारतीय क्रिकेटपटू हार्दिक पंड्या पुन्हा एकदा चर्चेत आला आहे. नुकतंच त्याने आपल्या कार कलेक्शनमध्ये Lamborghini Urus SE या आलिशान SUV गाडीचा समावेश केला आहे. ही कार ऑगस्ट २०२४ मध्ये भारतात लाँच करण्यात आली होती आणि खास गोष्ट म्हणजे ही भारतात लाँच झालेली पहिली प्लग-इन हायब्रिड SUV कार आहे. हार्दिकने ही कार पिवळ्या रंगात खरेदी केली असून, तिची किंमत तब्बल ४.५७ कोटी रुपये आहे. सध्या तिचे फोटो सोशल मीडियावर मोठ्या प्रमाणात व्हायरल होत आहेत. चाहत्यांकडून त्याचे भरभरून अभिनंदन होत आहे.
ही गाडी केवळ स्टाईलिशच नाही, तर तितकीच पॉवरफुल देखील आहे. Lamborghini Urus SE मध्ये हायब्रिड इंजिनचा वापर करण्यात आला असून, ते उत्तम मायलेजसह जबरदस्त परफॉर्मन्स देते. ही SUV स्पोर्टी लूक, अत्याधुनिक फीचर्स आणि जबरदस्त टॉप स्पीडसह येते. त्यामुळे अनेक सेलिब्रेटींनी या गाडीला पसंती दिली आहे.
इतक्या प्रीमियम गाडीची निवड केल्यामुळे हार्दिक पुन्हा एकदा चर्चेत आला आहे. तो आधीपासूनच विविध लक्झरी कार्ससाठी ओळखला जातो. त्याच्या गॅरेजमध्ये Mercedes, Range Rover, Audi अशा अनेक महागड्या गाड्यांचा समावेश आहे. आता Lamborghini Urus SE ही कार त्याच्या कलेक्शनमधील एक नवीन आकर्षण ठरली आहे.
