क्वालालंपूर: मलेशियाचे परराष्ट्र मंत्री मोहम्मद हसन यांनी दावा केला आहे की थायलंड आणि कंबोडियाने युद्धबंदीवर सहमती दर्शविली आहे. दोन्ही देशांचे वरिष्ठ नेते सोमवारी मलेशियाला पोहोचतील आणि चर्चा करतील. या संघर्षात आतापर्यंत ३० हून अधिक लोकांचा मृत्यू झाली असल्याची माहिती आहे.
गेल्या चार दिवसांपासून आशिया खंडातील दोन देशांमध्ये युद्ध सुरू होते. जे आता शांत होण्याची शक्यता आहे. मलेशियाचे परराष्ट्र मंत्री मोहम्मद हसन यांनी दावा केला आहे की थायलंड आणि कंबोडियाने त्यांच्या सीमा संघर्षाचे निराकरण करण्यासाठी मलेशियाला मध्यस्थ म्हणून स्वीकारले आहे. तथापि, दरम्यान दोन्ही देशांनी पुन्हा एकमेकांवर तोफांनी हल्ला केल्याचा आरोप केला आहे.
स्थानिक वृत्तसंस्था बर्नामानुसार, मलेशियाचे परराष्ट्र मंत्री हसन यांनी बर्नामाला सांगितले आहे की कंबोडियाचे पंतप्रधान हुन मानेट आणि थायलंडचे कार्यवाहक पंतप्रधान फुमथम वेचायचाई सोमवारी मलेशियाला पोहोचतील आणि चर्चा करतील.
परराष्ट्र मंत्री हसन म्हणाले, 'दोन्ही देशांनी मलेशियावर पूर्ण विश्वास व्यक्त केला आहे आणि मला मध्यस्थीची भूमिका बजावण्यास सांगितले आहे. मी थायलंड आणि कंबोडियाच्या परराष्ट्र मंत्र्यांशी चर्चा केली आहे आणि त्यांनीही शांततेविषयी सकारात्मक प्रतिसाद दिला आहे. त्यांनी म्हटले आहे की या प्रकरणात इतर कोणत्याही देशाचा सहभाग नसावा.’
गेल्या शुक्रवारी, आसियान फोरमचे अध्यक्ष असलेले लाओचे पंतप्रधान अन्वर इब्राहिम यांनी कंबोडिया आणि थायलंडमध्ये युद्धबंदीचा प्रस्ताव मांडला होता. तसेच शनिवारी, अमेरिकेचे अध्यक्ष डोनाल्ड ट्रम्प यांनीही थायलंड आणि कंबोडियाच्या पंतप्रधानांशी बोलून त्यांना युद्धबंदीचे आवाहन केले होते. मात्र आता मलेशियाच्या मध्यस्थीने हे युद्ध संपणार असल्याचे बोलले जात आहे.
