मुंबई: भारतासह जेव्हा जगभरात क्रिकेटची चर्चा होते तेव्हा सचिन तेंडुलकर(sachin tendulkar) हे नाव आपसूकच येते. सचिन आणि क्रिकेट हे एक समीकरणच आहे. त्याने भारतीय क्रिकेटमध्ये जे योगदान दिले आहे ते कोणताही क्रिकेटचाहता विसरू शकत नाही. १०० शतके आणि २०० कसोटी सामने खेळणारा सचिन जगातील एकमेव क्रिकेटर आहे. म्हणूनच त्याला कदाचित क्रिकेटचा देव म्हणत असतील.
आज २४ एप्रिलचा दिवस त्याच्यासाठी खूप खास आहे कारण सचिन ५१ वर्षांचा झाला आहे. त्याने आपल्या करिअरमध्ये इतके रेकॉर्ड बनवले आहे की क्रिकेटच्या इतिहासात त्याचे नाव सोनेरील अक्षरातच लिहिले गेले आहे. भले त्याने क्रिकेटमधून जरी निवृत्ती घेतली असली तरीही कमाईच्या बाबतीत तो आजही सुपरहिट आहे. जाणून घेऊया किती आहे त्याची नेटवर्थ आणि ब्रांड एम्बॉर्समेंटच्या माध्यमातून तो किती कमाई करतो.
आपल्या क्रिकेटच्या कारकिर्दीत अनेक रेकॉर्ड आपल्या नावे करणाऱ्या सचिन तेंडुलकरचा जन्म २४ एप्रिल १९७३ला मुंबईमध्ये झाला होता. आता तो ५१ वर्षांचा झाला आहे. क्रिकेटच्या करिअरदरम्यान जिथे एकीकडे मोठमोठे रेकॉर्ड केलेत तर दुसरीकडे कमाईतही त्याचे रेकॉर्ड आहेत. जगातील श्रीमंत क्रिकेटरच्या यादीत सचिन तेंडुलकरची गणना केली जाते. रिपोर्ट्सनुसार गेल्या वर्षी २०२३ पर्यंत सचिन तेंडुलकरची नेटवर्थ १७५ मिलियन डॉलर म्हणजेच १४३६ कोटी रूपये होती. खास बाब म्गणजे भले त्याने आता क्रिकेटमधून निवृत्ती घेतली असली तरी तो जाहिराती आणि इतर माध्यमातून तो कोट्यावधी रूपये कमावत आहे.
सचिन तेंडुलकरने क्रिकेटमधून निवृत्ती घेतली असली तरीही अनेक मोठमोठे ब्रँड त्याच्यावर विश्वास ठेवतात आणि अनेक कंपन्या जाहिरातीसाठी सचिनला पसंती देतात. सचिनला Boost, Unacademy, Castrol India, BMW, Luminous India, Sunfeast, MRF tires, Aviva Insurance, Pepsi, Adidas, Visa, Luminous, Sanyo, BPL, Philips, Spinny या जाहिरातींमध्ये दिसला आहे.
सचिन तेंडुलकर बिझनेसमध्येही कार्यरत आहे. त्याचा क्लोथिंगचा बिझनेस आहे. रिपोर्टनुसार त्याचे ब्रांड ट्रू ब्लू अरविंद फॅशन ब्रांड्स लिमिटेड यांच्यात एक जॉईंट वेंचर आहे. याला २०१६मध्ये लाँच करण्यात आले होते. मुंबई आणि बंगळुरूमध्ये सचिन अँड तेंडुलकर्स नावाचे रेस्टॉरंट आहे.
सचिन तेंडुलकरच्या लक्झरी लाईफस्टाईलचा अंदाज त्याची आलिशान घरे पाहूनही लावला जाऊ शकतो. त्याच्याकडे मुंबईचा पॉश एरिया वांद्रेमध्ये अलिशान बंगला आहे. याची किंमत १०० कोटी रूपये आहे. दरम्यान हे घर त्याने २००७मध्ये ४० कोटींना खरेदी केले होते. मुंबईतच नव्हे तर कोट्यावधींचा केरळमध्येही त्याचा बंगला आहे. काही रिपोर्ट्समध्येही हेही सांगितले आहे की त्याच्याकडे ब्रिटनच्या लंडनमध्ये स्वत:चे घर आहे.
सचिन तेंडुलकरलाही विविध कारचाही छंद आहे. त्याच्या कार कलेक्शनमध्ये एकाहून एक शानदार कार आहेत. रिपोर्ट्सनुसार त्याच्या कलेक्शनमध्ये महाcगड्या आणि लक्झरी कार आहेत. यात Ferrari 360 Moden, BMW i8, BMW 7 Series, 750Li M Sport, Nissan GT-R, Audi Q7, BMW M6 Gran Coupe आणि BMW M5 30 Jahre यांचा समावेश आहे.
आनंदी पालकत्व : डॉ. स्वाती गानू पूर्वी मनोरंजन हाच कार्टून्सचा मुख्य हेतू होता. तंत्रज्ञानातील बदलाने…
साप्ताहिक राशिभविष्य, १९ ते २५ मे २०२४ सहलीचे आयोजन कराल मेष : आपल्या कार्यक्षेत्रात खूप…
हलकं-फुलकं : राजश्री वटे प्रवास... कुठून सुरू होतो... कुठे संपतो...! कसा सुरू होतो... कसा संपतो...!!…
क्राइम : अॅड. रिया करंजकर देशामध्ये आज बिकट परिस्थिती चालू आहे. सुशिक्षित बेरोजगारी वाढत असून,…
निसर्गवेद : डॉ. महालक्ष्मी वानखेडकर कुटुंबातील कलहापासून ते विश्व महायुद्धापर्यंत ही सर्व युद्ध का होतात?…
मनस्विनी : पूर्णिमा शिंदे मरणाचे स्मरण असावे जन्म आणि मृत्यू सत्य, असत्य, दिवस-रात्र अमावस्या, पौर्णिमा,…