रत्नागिरी : मुंबई-गोवा राष्ट्रीय महामार्गावर (Mumbai Goa National Highway) संगमेश्वर तालुक्यामधील आरवली राजवाडी (Aravali Rajwadi) परिसरात अज्ञात वाहनाने धडक दिल्याने एका बिबट्याचा (Leopard) दुर्दैवी मृत्यू झाला. राजवाडी मारुती मंदिरासमोर आज सकाळी ही घटना निदर्शनास आली.
मिळालेल्या माहितीनुसार, घटनास्थळाची पाहणी केल्यावर असं दिसून आले की, बिबट्या रात्री महामार्ग ओलांडत असताना त्याला अज्ञात वाहनाने जोरदार धडक दिली असण्याची शक्यता आहे. या धडकेत बिबट्याच्या डोक्याला गंभीर दुखापत झाली आणि त्याचा जागीच मृत्यू झाला.
https://prahaar.in/2025/05/03/earthquake-tremors-felt-in-jammu-and-kashmir-and-gujarat/
आज सकाळी काही ग्रामस्थांना महामार्गावर बिबट्याचा मृतदेह दिसला. त्यांनी तत्काळ याची माहिती वन विभागाला (Forest Department) दिली. महामार्गावर वन्यजीवांचा वावर आणि अशा प्रकारचे अपघात चिंताजनक असल्याचे मत स्थानिकांनी व्यक्त केले आहे. वन विभागाचे अधिकारी घटनास्थळी दाखल झाले असून पुढील कार्यवाही करत आहेत.