मुंबई: इमरान हाश्मीचा नवा चित्रपट ‘ग्राउंड झिरो’ सध्या चर्चेत आहे. नुकताच या चित्रपटाचा प्रीमियर झाला. या प्रसंगी भाजपा खासदार रविशंकर प्रसाद आणि काँग्रेस खासदार राजीव शुक्ला उपस्थित होते. दोघांनीही चित्रपटाचे कौतुक केले आहे. हा चित्रपट २५ एप्रिल रोजी प्रेक्षकांच्या भेटीला येणार आहे.

बॉलिवूड अभिनेता इमरान हाश्मीच्या आगामी ‘ग्राउंड झिरो’ या चित्रपटाची बरीच चर्चा आहे. या चित्रपटाचा ट्रेलर काही दिवसांपूर्वी प्रदर्शित झाला होता, त्यानंतर लोकांमध्ये चित्रपटाविषयीची उत्सुकता खूप वाढली आहे. मात्र, या चित्रपटाने प्रदर्शित होण्यापूर्वीच इतिहास रचला आहे. पहिल्यांदाच श्रीनगरमध्ये ‘ग्राउंड झिरो’ हा चित्रपट प्रदर्शित झाला आहे. पण या कार्यक्रमात भाजपी आणि काँग्रेस पक्षाचे खासदारही सहभागी झाले होते. चित्रपट पाहिल्यानंतर त्यांनी अनुभव सांगितला.

‘ग्राउंड झिरो’ बद्दल बोलायचे झाले तर, हा चित्रपट २५ एप्रिल रोजी थिएटरमध्ये दाखल होणार आहे.या चित्रपटाचा प्रीमियर १९ एप्रिल रोजी झाला. श्रीनगरसोबतच, देशाची राजधानी दिल्लीमध्येही चित्रपटाचे विशेष प्रदर्शन आयोजित करण्यात आले होते. या स्क्रीनिंगला माजी केंद्रीय मंत्री आणि पाटणा साहिब येथील भाजपा खासदार रविशंकर प्रसाद आणि काँग्रेस खासदार राजीव शुक्ला यांनीही हजेरी लावली. दोघांनीही चित्रपटाबद्दल बोलताना त्याला एक उत्तम चित्रपट म्हटले आहे.

https://prahaar.in/2025/04/21/kkr-vs-gt-ipl-2025-kolkata-will-stop-gujarat-at-eden-gardens/

श्रीनगरमध्ये इतिहास रचला

भाजपा खासदाराने त्यांच्या एक्स पोस्टद्वारे असेही शेअर केले की ‘ग्राउंड झिरो’चा सह-निर्माता त्यांचा पुतण्या अभिषेक कुमार आहे. चित्रपटाबद्दल बोलायचे झाले तर, १८ एप्रिल रोजी श्रीनगरमध्ये त्याचा प्रीमियर झाला. श्रीनगरमध्ये चित्रपटाचा प्रीमियर होण्याची ही ३८ वर्षांत पहिलीच वेळ आहे. तेजस देवस्कर यांनी दिग्दर्शक म्हणून इमरान हाश्मीचे खूप कौतुक केले आहे. कलाकारांबद्दल बोलायचे झाले तर, इमरान हाश्मीसह या चित्रपटात सई ताम्हणकर, मुकेश तिवारी, झोया हुसेन, दीपक परमेश, ललित प्रभाकर, राहुल वोहरा, रॉकी रैना या कलाकारांनी काम केले आहे.