इंदिरा नगर पोलिसांत गुन्हा दाखल

सिडको : इंदिरा नगर पोलीस ठाण्यात चौकशीसाठी ताब्यात घेतलेला एक संशयित आरोपी पोलीस स्टेशनच्या संरक्षण भिंतीवरुन उडी मारत फरार झाला. याप्रकरणी इंदिरानगर पोलीस ठाण्यात गुन्हा दाखल करण्यात आला आहे.

याबाबत इंदिरा पोलिसांनी दिलेल्या माहितीनुसार, वडाळा गावातील साठेनगर येथे रहाणारा विशाल ज्ञानेश्वर तीनबोटे याला एका गुन्ह्याच्या तपासासाठी ताब्यात घेतले त्यानंतर पोलीस हेड कॉन्स्टेबल कीशोर रामदास देवरे (वय 43 वर्ष नेमणुक इंदिरानगर पोलीस स्टेशन) हे पोलीस चौकी येथे रात्र कर्तव्यावर आहे. दि. 18/12/2023 रोजी तपासावर असलेला गुन्हा क. 372/23 कलम 457,380 भादवी मध्ये आरोपी नामे विशाल ज्ञानेश्वर तीनबोटे वय 20 वर्ष रा म्हसोबा मंदीर जवळ, साठेनगर, वडाळागाव नाशिक यास क्राईम युनिट 2 चे पोउपनि संजय पाडवी यांनी त्यांचे कडुन रीपोर्टसह पोलीस ठाणे अमलदार यांचेकडे 17.25 वा. हजर केले. सदर आरोपीस पोलीस ठाणे अमलदार पोहवा / 165 झीरवाळ यांचे कडुन इंदिरा नगर पोलिसांनी 21.00 वा. ताब्यात घेवुन आरोपीस गुन्हयासंदर्भाने तिचारपुस केली. अधिक तपासाकरीता आरोपीस अटकेची आवश्यकता असल्याची खात्री झाल्याने त्यास त्याचे अटकेचे कारणे सांगितली.अटकेचा पंचनामा केला तसेच त्याचा धाकटा भाऊ अरुण ज्ञानेश्वर तीनबोटे यास फोन वर अटकेबाबतची माहीती दिली. 23.24 वा. सुमारास आरोपीची अटकेची नोंद स्टेशन डायरीला घेतल्यानंतर आरोपीस अंबड पोलीस स्टेशनचे लॉकअपला नेण्याची तयारी करत असतांना आरोपीने पाणी पिण्यास मागितल्याने आम्ही त्यास पोलीस स्टेशनचे चॅनेल गेटजवळील पाणी फील्टर जवळ येवुन त्यास पिण्यासाठी पाणी देत असतांना त्याने पोलिसाला धक्का दिला व तो चॅनेलगेटचे बाहेर संरक्षित भींतीवरुन उडी मारुन पळुन गेला. त्याचा पाठलाग केला असता तो मिळुन आला नाही.तरी दि. 18/12/2023 रोजी 23.24 वा सुमारास गुन्हा क्र. 372/23 कलम 457,380 भादवी मधील आरोपी नामे विशाल ज्ञानेश्वर तीनबोटे वय 20 वर्ष रा म्हसोबा मंदीर जवळ, साठेनगर, वडाळागाव, नाशिक याने त्याची सदर गुन्हयात होत असलेली अटक टाळण्यासाठी पोलिसांच्या कायदेशीर हवालतीमधुन पळुन गेला म्हणुन त्याचेविरुध्द भादवी कलम 224 अन्वये गुन्हा दाखल करण्यात आला असून पुढील तपास पोलीस करीत आहेत.