भाईंदर : मीरा-भाईंदर शहरात मोठ्या प्रमाणात धुळे, जळगाव, नंदुरबार येथील खान्देशी समाजबांधव रहात असून त्यांना एकत्रित आणण्याच्या उद्देशाने पद्मजा हॉस्पिटलचे डॉ. दिनेश पाटील यांनी रविवारी खान्देश प्रीमियर क्रिकेट या एक दिवसीय क्रिकेट स्पर्धेचे आयोजन केले होते.
या स्पर्धेत एकूण १० संघांनी प्रवेश घेतला होता. क्रिकेट स्पर्धेच्या माध्यमातून सर्व तरुण खानदेशी समाज बांधवांना एकत्र आणण्याचा प्रयत्न करण्यात आला असल्याचे डॉ. दिनेश पाटील यांनी सांगितले. या स्पर्धेला आयोजक पराग चितोडकर, एकनाथ बोरसे, शरद खोसरे, डॉ नीलेश, प्रमोद, सुनील भामरे व याच बरोबर नरेंद्र मेहता, सुरेखा सोनार, शंकर विरकर, ध्रुवकिशोर पाटील, मनोज राणे व इतर मान्यवर उपस्थित होते.