Home ब्रेकिंग न्यूज Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

0
Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल
स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल ( Photo : Prahaar)

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी, अस्तित्वासाठी आणि स्वाभिमानासाठी किती संघर्ष करते? अन्याय सहन करणं हीच तिची नियती असते की त्याविरोधात आवाज उठवण्याची ताकदही तिच्यात असते? स्त्रीच्या याच संघर्षाची आणि तिच्यातील दुर्गेच्या रूपाची दमदार कथा झी स्टुडिओजच्या आगामी ‘जिजाई’ या मराठी चित्रपटातून प्रेक्षकांसमोर येत आहे. अभिनेत्री रिंकू राजगुरू या चित्रपटात मध्यवर्ती भूमिकेत असून, तिचा आजवर न पाहिलेला अॅक्शन अवतार प्रेक्षकांना अनुभवायला मिळणार आहे.

https://www.prahaar.in/2026/11/20/asia-cup-rising-stars-2026-ind-vs-nep-india-trounce-nepal-in-the-opening-match-of-the-group-stage-tilak-and-kushagra-score-centuries/
नुकताच या चित्रपटाचा दिमाखदार प्रीमियर सोहळा पार पडला. चित्रपटाच्या ट्रेलरमधील थरारक दृश्यांनी आधीच प्रेक्षकांची उत्सुकता वाढवली आहे. घनदाट जंगल, रात्रीचा काळोख, सुनसान रस्ता, बसमधील रहस्यमय प्रवास, पोलिसांचा तपास आणि रिंकू राजगुरूचे दमदार अॅक्शन सीन्स यामुळे ट्रेलरमध्ये उत्कंठावर्धक वातावरण निर्माण झाले आहे. रिंकू पहिल्यांदाच अॅक्शन भूमिकेत दिसत असून तिच्या व्यक्तिरेखेच्या आयुष्यात नेमकं काय घडतंय, तिच्यासमोर कोणती आव्हानं आहेत आणि या सगळ्यामागे कोणतं गूढ दडलं आहे, याची उत्सुकता ट्रेलरमधून कायम ठेवण्यात आली आहे. आता २० नोव्हेंबरला प्रदर्शित झालेल्या या चित्रपटातून या रहस्याचा उलगडा होणार आहे.

 

View this post on Instagram

 

A post shared by Prahaar Newsline (@prahaarnewsline)

या चित्रपटात रिंकू राजगुरूसोबत किशोर कदम, मयूर मोरे, रोहित कोकाटे आणि सानिका दिवाण हे कलाकार महत्त्वपूर्ण भूमिकांमध्ये झळकणार आहेत. त्यामुळे चित्रपटातील व्यक्तिरेखांचे परस्परसंबंध, कथानकातील अनपेक्षित वळणं आणि थरारक घडामोडी प्रेक्षकांसाठी खास आकर्षण ठरणार आहेत.झी स्टुडिओजची प्रस्तुती असलेल्या या चित्रपटाचे दिग्दर्शन तृशांत फुलवंती इंगळे यांनी केले आहे. झी स्टुडिओज आणि कोकोनट फिल्म्स यांनी चित्रपटाची निर्मिती केली असून नुपूर गुहा आणि तुषार राऊत सहनिर्माते आहेत. गुलराज सिंग यांचे संगीत लाभलेल्या या चित्रपटातील गाण्यांनाही प्रेक्षकांची विशेष पसंती मिळत आहे.

स्त्रीच्या अस्तित्वाचा, स्वाभिमानाचा आणि अन्यायाविरोधात उभं राहण्याच्या तिच्या सामर्थ्याचा वेध घेणारा ‘जिजाई’ २० नोव्हेंबरपासून चित्रपटगृहांत प्रदर्शित झाला आहे. या चित्रपटाचा प्रीमियर सोहळा दिमाखात पार पडला. यावेळी अभिनेते मकरंद देशपांडे, शिव ठाकरे, शिवराज वायचळ, सुप्रसिद्ध गायक आदर्श शिंदे यांच्यासह मनोरंजनविश्वातील अनेक मान्यवर उपस्थित होते.

LEAVE A REPLY

Please enter your comment!
Please enter your name here