Home देश PUC Certificate : 10 वर्षांपेक्षा जुन्या बीएस-4 आणि बीएस-6 वाहनांसाठी दर 6 महिन्यांनी पीयूसी चाचणी अनिवार्य; नियमात बदल

PUC Certificate : 10 वर्षांपेक्षा जुन्या बीएस-4 आणि बीएस-6 वाहनांसाठी दर 6 महिन्यांनी पीयूसी चाचणी अनिवार्य; नियमात बदल

0
PUC Certificate : 10 वर्षांपेक्षा जुन्या बीएस-4 आणि बीएस-6 वाहनांसाठी दर 6 महिन्यांनी पीयूसी चाचणी अनिवार्य; नियमात बदल

PUC Certificate : वाहनांच्या प्रदूषण नियंत्रण प्रमाणपत्राच्या (PUC) वैधतेबाबत केंद्र सरकारने महत्त्वाचा बदल केला आहे. नवीन नियमांनुसार, आता सर्व वाहनांसाठी पीयूसी प्रमाणपत्राची मुदत सारखी नसेल. वाहनाचे भारत स्टेज (BS) उत्सर्जन मानक, वय आणि ते खासगी की व्यावसायिक वापरासाठी आहे, यानुसार प्रमाणपत्राची वैधता ठरणार आहे. हे बदल केंद्रीय मोटार वाहन नियम, 1989 मधील सुधारणांद्वारे लागू करण्यात आले आहेत.

https://www.prahaar.in/2026/11/19/action-against-finance-companies-harassing-farmers-for-loan-recovery-during-a-drought/

जुन्या वाहनांसाठी तीन महिन्यांची वैधता

नवीन नियमांनुसार, BS-I, BS-II आणि BS-III श्रेणीतील सर्व वाहनांच्या पीयूसी प्रमाणपत्राची वैधता 3 महिने असेल. तर BS-IV वाहनांसाठी ही मुदत 6 महिने निश्चित करण्यात आली आहे. त्यामुळे या श्रेणीतील वाहनधारकांना ठरावीक कालावधीनंतर प्रदूषण चाचणी करून प्रमाणपत्राचे नूतनीकरण करावे लागेल.

BS-VI खासगी वाहनांसाठी नवे नियम

BS-VI खासगी वाहनांच्या बाबतीत नोंदणीच्या तारखेपासून वाहनाचे वय मोजले जाणार आहे.

  • 6 वर्षांपर्यंतच्या वाहनांना 3 वर्षांसाठी पीयूसी प्रमाणपत्र मिळेल.
  • 6 वर्षांपेक्षा जास्त आणि 10 वर्षांपर्यंतच्या वाहनांना दरवर्षी नूतनीकरण करावे लागेल.
  • 10 वर्षांपेक्षा जुन्या वाहनांना दर 6 महिन्यांनी पीयूसी चाचणी करावी लागेल.

BS-VI व्यावसायिक वाहनांची वैधता

व्यावसायिक वाहनांसाठीही वयानुसार वेगवेगळे नियम लागू असतील.

  • 6 वर्षांपर्यंतच्या वाहनांसाठी पीयूसी प्रमाणपत्राची वैधता 2 वर्षे असेल.
  • 6 वर्षांपेक्षा जास्त आणि 10 वर्षांपर्यंतच्या वाहनांना दरवर्षी प्रमाणपत्राचे नूतनीकरण करावे लागेल.
  • 10 वर्षांपेक्षा जुन्या वाहनांची दर 6 महिन्यांनी प्रदूषण चाचणी होईल.

पीयूसी प्रमाणपत्राची वैधता एका नजरेत

वाहनांची श्रेणी प्रमाणपत्राची वैधता
BS-I, BS-II आणि BS-III 3 महिने
BS-IV 6 महिने
BS-VI खासगी (6 वर्षांपर्यंत) 3 वर्षे
BS-VI खासगी (6 ते 10 वर्षे) 1 वर्ष
BS-VI खासगी (10 वर्षांपेक्षा जास्त) 6 महिने
BS-VI व्यावसायिक (6 वर्षांपर्यंत) 2 वर्षे
BS-VI व्यावसायिक (6 ते 10 वर्षे) 1 वर्ष
BS-VI व्यावसायिक (10 वर्षांपेक्षा जास्त) 6 महिने

जुन्या प्रमाणपत्रांचे काय होणार?

नवीन नियम लागू होण्यापूर्वी जारी केलेली पीयूसी प्रमाणपत्रे लगेच बदलणार नाहीत. या प्रमाणपत्रांचे पहिल्यांदा नूतनीकरण करताना नवीन वैधता कालावधी लागू होईल.

तसेच, प्रमाणपत्राची मुदत संपण्याच्या 10 दिवस आधी नूतनीकरण केल्यास नवीन प्रमाणपत्राची वैधता जुन्या प्रमाणपत्राची मुदत संपण्याच्या तारखेपासून सुरू होईल. मुदत संपल्यानंतर नूतनीकरण केल्यास नवीन प्रमाणपत्राची वैधता नूतनीकरणाच्या तारखेपासून सुरू होईल.

LEAVE A REPLY

Please enter your comment!
Please enter your name here