मुंबई: मुंबईतील कांदिवली पूर्व येथील समता नगर पोलीस ठाण्याच्या हद्दीमध्ये एक अत्यंत गंभीर प्रकरण उघडकीस आले आहे. पोलिसांत दाखल केलेल्या एफआयआरनुसार, एका 14 वर्षीय अल्पवयीन मुलीला आधी मैत्रीच्या जाळ्यात ओढून नंतर तिच्यावर सामूहिक बलात्कार केल्याचा प्रकार उघडकीस आले आहे. इतकंच नाही तर, आरोपीने तिचा अश्लील व्हिडिओ काढून तो व्हायरल करण्याची धमकी दिल्याचेही तक्रारीत नमूद करण्यात आले आहे. एफआयआरनुसार, या प्रकरणात कृष्णा, कासिम, सोहेल आणि अयान अशा चार आरोपींचा उल्लेख आहे. आरोपींच्या मोबाईल फोनमधून धक्कादायक खुलासेही समोर आले आहेत. मोबाईलमधून 20 हून अधिक अल्पवयीन मुलींचे अश्लील व्हिडिओ सापडल्याने मुंबईमध्ये खळबळ उडाली आहे.

https://www.prahaar.in/2026/11/14/good-news-for-passengers-after-csmt-dmart-launches-modern-and-swanky-toilets-at-thane-and-kalyan-railway-stations/

पोलिसांच्या एफआयआरमध्ये नोंदवलेल्या पीडितेच्या जबाबानुसार, 14 वर्षीय अल्पवयीन मुलगी कृष्णा नावाच्या तरूणासोबत ऑगस्ट 2026 मध्ये भेट झाली होती. त्यानंतर, तिची अयान आणि कासिम या दोन तरुणांशी तिची ओळख झाली. तेव्हापासून ती त्यांच्यासोबतही बोलू लागली. आरोपी आणि त्याच्या दोन्हीही मित्रांसोबत ओळख झाल्यानंतर ते रोज बोलायचे. रोज बोलत असल्यामुळे त्यांनी एक दिवशी भेटण्याचं ठरवलं. तक्रारीनुसार, 6 नोव्हेंबर 2026 रोजी, दुपारी 3 वाजण्याच्या सुमारास, पीडित तिच्या ओळखीच्या एका मुलीला भेटायला जात होती. याच दरम्यान, ती आरोपीला भेटली. असा आरोप आहे की, तिला कोणत्यातरी बहाण्याने कांदिवली पूर्वेतील हनुमान नगरमधील एका रिकाम्या खोलीत नेण्यात आले. एफआयआरमध्ये असा आरोप आहे की, आरोपींनी तिच्यावर जबरदस्ती केली आणि तिथे तिच्यावर लैंगिक अत्याचार केले.

https://www.prahaar.in/2026/11/14/womens-commission-takes-cognizance-of-naigaon-local-train-molestation-case-directs-maharashtra-police-to-submit-report-in-7-days/

यावेळी त्या तरूणांनी तिच्या अश्लील व्हिडिओ बनवण्याचाही प्रयत्न केला. त्या व्हिडिओ अल्पवयीन मुलीने डिलिट करण्याची मागणी सुद्धा तिने केली. परंतू त्या तरूणांनी तिची तिला तुझा व्हिडिओ व्हायरल करू, अशी धमकी सुद्धा त्यांनी तिला दिली. तक्रारीत पुढे नमूद करण्यात आले आहे की, चार दिवसांनंतर पीडितेला सोहेल नावाच्या तरूणाने 10 नोव्हेंबर 2026 रोजी, अल्पवयीन मुलीला सोशल मीडियावर एक मेसेज पाठवून तिला त्याच्या घरी भेटण्यासाठी बोलवले. जेव्हा पीडितेने त्याला भेटण्यासाठी नकार दिला, तेव्हा तिच्या अश्लील व्हिडिओ व्हायरल करण्याची धमकी त्याने तिला दिली. पीडितेने या घटनेबद्दल तिच्या आईला सांगितले आणि त्यानंतर कुटुंबाने पोलिसांशी संपर्क साधला. कांदिवलीच्या समतानगर पोलिस स्टेशनमध्ये तक्रार करण्यात आली आहे.

https://www.prahaar.in/2026/11/14/central-railway-csmt-station-redevelopment-gets-nod-tree-authority-approves-cutting-56-trees-and-transplanting-72-trees/

समतानगर पोलिस स्थानकामध्ये चारही आरोपींविरोधात, भारतीय न्याय संहिता (बीएनएस) आणि लैंगिक गुन्ह्यांपासून मुलांचे संरक्षण (पॉक्सो) कायदा, 2012 च्या संबंधित कलमांनुसार गुन्हा नोंदवण्यात आला. पोलिसांनी तक्रारीत नमूद केलेल्या व्यक्तींचा शोध घेण्यासाठी मोहीम सुरू केली आणि चारही आरोपींना वेगवेगळ्या ठिकाणांहून अटक केली. 17 वर्षांच्या दोन्ही अल्पवयीन मुलांना डोंगरी येथील निरीक्षण गृहात पाठवण्यात आले. 18 आणि 22 वर्षे वयाच्या इतर दोन आरोपींना दिंडोशी येथील विशेष सत्र न्यायालयात हजर करण्यात आले असून त्यांना 16 नोव्हेंबरपर्यंत सोमवारपर्यंत, पोलीस कोठडी सुनावण्यात आली. पोलिसांकडून घटनेचा तपास सुरू आहे.