Diwali 2026: सर्वसामान्य जनतेपासून ते व्यापाऱ्यांपर्यंत, प्रत्येकजण दिवाळी सणाच्या वर्षभर प्रतीक्षेत असतात. त्यातील दिवाळीच्या पहिल्या दिवशी येणाऱ्या धनतेरसच्या शुभ सणाची तर आतुरतेने वाट पाहत असतात. सर्वसामान्य लोकांपासून ते व्यापाऱ्यांपर्यंत, प्रत्येकजण दिवाळीच्या अगदी आधी येणाऱ्या धनतेरसच्या शुभ सणाची आतुरतेने वाट पाहतो. हिंदू पंचांगानुसार, धनत्रयोदशी कार्तिक महिन्याच्या कृष्ण पक्षाच्या तेराव्या दिवशी साजरी केली जाते. धनत्रयोदशीच्या अनेक आख्यायिका प्रचलित आहेत. त्यातील एक म्हणजे म्हणजे, समुद्रमंथनाच्या वेळी भगवान धन्वंतरी याच दिवशी अमृत कलश घेऊन प्रकट झाले होते. म्हणून या दिवसाला धनत्रयोदशी असे म्हंटले जाते. या दिवशी देवी लक्ष्मी आणि कुबेर देवतांची पूजा केली जाते.

धनत्रयोदशी २०२६ पूजेसाठी शुभ मुहूर्त

दिवस आणि दिनांक – शुक्रवार, ६ नोव्हेंबर २०२६
वेळ – सायं ०६:०२ ते ०७: ०७:५७ मि.

https://www.prahaar.in/2026/11/05/had-directors-not-been-appointed-for-gokul-fresh-elections-would-have-had-to-be-held/

खरेदीसाठी शुभ मुहूर्त

धनत्रयोदशीच्या दिवशी खरेदी करण्यासाठी सर्वोत्तम आणि शुभ वेळ शुक्रवार, ६ नोव्हेंबर रोजी सकाळी ११:०६ पासून सुरू होईल आणि शनिवार, ७ नोव्हेंबर रोजी सकाळी १०:४६ पर्यंत संपेल. दोन्ही दिवशी खरेदी करणे अत्यंत लाभदायक आणि शुभ मानले जाते. याशिवाय, या काळात कोणत्याही वेळी देवी लक्ष्मी आणि भगवान कुबेर यांची पूजा देखील केली जाऊ शकते.

पूजा व उपासना पद्धत

धनत्रयोदशीच्या शुभ संध्याकाळी, भगवान धन्वंतरी, देवी लक्ष्मी आणि कुबेर यांच्या मूर्तींची स्थापना करून पूजेला सुरुवात करावी. सर्वप्रथम, तुपाचा दिवा लावावा आणि फुले, चंदनाचा लेप, अख्खे धान्य आणि कमळाचे फूल अर्पण करावे. यानंतर श्रद्धेने श्री सूक्त, कनकधारा स्तोत्र, अन्नपूर्णा स्तोत्र आणि विष्णु सहस्रनामाचे पठण करावे. याने खूप फायदा होतो. पूजेदरम्यान भगवान कुबेर आणि देवी लक्ष्मी यांना पांढऱ्या मिठाईचा नैवेद्य दाखवावा. आरोग्याचे देव धन्वंतरी यांना पिवळ्या मिठाईचा नैवेद्य दाखवण्यास विशेष महत्त्व आहे. या विधीचे पालन केल्याने निरोगी शरीर, धन आणि कुटुंबात समृद्धी लाभते.