Indian Navy : अरबी समुद्रात भारतीय नौदलाने मोठी बचाव मोहीम यशस्वीरीत्या पूर्ण केली आहे. सोमाली समुद्री चाच्यांनी ताब्यात घेतलेल्या ‘अझिनी’ या मासेमारी बोटीवरील 20 खलाशांची भारतीय नौदलाने सुखरूप सुटका केली. मुंबईपासून 3,000 किलोमीटरहून अधिक अंतरावर ही कारवाई करण्यात आली. बचाव मोहीम पूर्ण करण्यासाठी नौदलाला सुमारे 48 तास लागले.
https://www.prahaar.in/2026/11/03/despite-trumps-claims-of-having-averted-war-the-us-has-carried-out-an-attack-on-irans-qeshm-island-details-of-covert-military-operations-have-emerged/
संरक्षण मंत्री राजनाथ सिंह यांनी सोशल मीडिया प्लॅटफॉर्म ‘एक्स’वर पोस्ट करून या कारवाईची माहिती दिली. भारतीय नौदलाचे अभिनंदन करताना त्यांनी सांगितले की, भारतीय हवाई दलाच्या मदतीने जहाज आणि त्यावरील कर्मचाऱ्यांची सशस्त्र समुद्री चाच्यांच्या तावडीतून सुटका करण्यात आली. भारतीय जवानांनी पुन्हा एकदा समुद्रात अडकलेल्या नागरिकांचे प्राण वाचवण्याची आणि त्यांचे संरक्षण करण्याची क्षमता सिद्ध केली असल्याचेही त्यांनी म्हटले. तसेच संपूर्ण हिंद महासागर क्षेत्रात सुरक्षा आणि शांतता राखण्याच्या भारताच्या वचनबद्धतेचा त्यांनी पुनरुच्चार केला.
#WATCH | In a swift and well-coordinated operation spanning over 48 hours, the Indian Navy successfully liberated the fishing vessel Azini from armed pirates. The operation culminated in the safe rescue of all 20 crew members, with no casualties or injuries reported. The fishing vessel Azini was reportedly hijacked by an armed pirate group earlier last month off the northeastern coast of Somalia. The hijacking posed a significant maritime security threat, as the vessel could potentially have been used as a ‘mother ship’ to launch further pirate attacks against merchant shipping in the region.
In response, the Indian Navy tasked a mission-deployed warship to intervene, supported by a maritime reconnaissance aircraft. Working in close coordination, these platforms located the vessel through persistent surveillance, tracked its movements, and employed calibrated non-kinetic measures to restrict its movement and prevent its escape.
Marine Commandos were further augmented through a precision airdrop conducted by an Indian Air Force (IAF) C-17 aircraft. In a swift and well-coordinated tactical intervention, the Indian Navy secured the vessel, neutralised the pirate threat, and ensured the safe release of all 20 crew members.
(Source: Indian Navy)
— ANI (@ANI) November 3, 2026
सोमालियाच्या किनाऱ्याजवळ बोटीचे अपहरण
मिळालेल्या माहितीनुसार, सोमाली समुद्री चाच्यांनी सोमालियाच्या ईशान्य किनाऱ्याजवळ ‘अझिनी’ या मासेमारी बोटीचे अपहरण केले होते. गुरुवारी बायला आणि हाफुन या किनारी शहरांदरम्यान ही घटना घडली. सुमारे 12 चाच्यांनी बोट ताब्यात घेतल्याची प्राथमिक माहिती आहे. अपहरणाच्या वेळी बोटीवर इराणी खलाशी असल्याचेही सांगितले जात आहे.
घटनेची माहिती मिळताच भारतीय नौदलाने बचाव मोहीम सुरू केली. सुमारे 48 तास चाललेल्या या मोहिमेनंतर बोटीवरील सर्व 20 कर्मचाऱ्यांची सुरक्षित सुटका करण्यात आली.
पश्चिम हिंद महासागरात समुद्री चाच्यांचे हल्ले वाढले
अलीकडच्या काळात एडनचे आखात आणि पश्चिम हिंद महासागर परिसरात सोमाली समुद्री चाच्यांच्या हालचाली पुन्हा वाढल्याचे वृत्त आहे. गेल्या काही महिन्यांत त्यांनी अनेक व्यापारी जहाजांना लक्ष्य केले आहे.
दिलेल्या माहितीनुसार, एप्रिल ते ऑगस्ट या पाच महिन्यांच्या कालावधीत समुद्री चाच्यांनी 6 व्यापारी जहाजांचे अपहरण केले. यामध्ये येमेनमधील अल-मुकल्ला शहराच्या पूर्वेला सुमारे 252 किलोमीटर अंतरावर ताब्यात घेण्यात आलेल्या ‘सिबू 1’ या तेलवाहू जहाजाचाही समावेश होता.
भारतीय नौदलाच्या या कारवाईमुळे समुद्रातील चाचेगिरीविरोधातील भारताची भूमिका पुन्हा अधोरेखित झाली आहे.